कांग्रेसया मिखाय् प्रजातन्त्र धरापय्
येँ (झीगु स्वनिगः)
नेपाली कांग्रेसया सभपति सुशील कोइरालां प्रजातन्त्र धरापय् लानाच्वन धकाः दावी यानादीगु दु । कांग्रेसया पार्टी कार्यालय सानेपाय् म्हिगः बुधवाः नेपाल पत्रकार महासंघया न्हू निर्वाचित जूपिं पदाधिकारीया नितिं ग्वसाः ग्वःगु लसकुस नापं सम्मान ज्याझ्वलय् कोइरालां अथे धयादीगु खः । वय्कलं मुलुक संकटय् लानाच्वंगु दु धयादिसें प्रजातन्त्र धरापय् दुगुलिं संचारकर्मीत सजक जुइमाः धकाः धयादिल । प्रजातन्त्र छु गुकथं धरापय् लानाच्वंगु धयागु बारे धाःसा स्पष्ट यानामदी ।
