तुँ इलाः सिथिनखः हन

येँ (झीगु स्वनिगः)

दाय्दसं थें थुगसिइ नं थाय् थासय् च्वंगु तुं इलाः सिथिनखः हनेज्या जुल । लःया हाहाकार जुयाच्वंगु इलय् थाय्थासय् तुं इलाः सिथिनखः हन । येाया जनबहाः त्वालय् अवस्थित क्वाःछेा धाःगु थासय् वंगु सोमवाः तुं इले ज्या जुल । थुगु तुंथिइ ल्हाः छपा मदुम्ह हनुमान द्यः लुयावःगु खःसा न्हापा खनेदुगु अभिलेख धाःसा खंकेमफुगु खा भाजु तीर्थधर तुलाधर पाखें जानकारी बियादीगु दु । अथे हे सिथिनखः कुन्हु बसन्तपुरय् अवस्थित कुमारी द्यःयागु निजि तुं इलेज्या जूगु दु । दाय्दसं सिथिनखःकुन्हु थुगु तुं इलेगु यानाच्वनागु खा कुमारी छेाय् च्वनादीम्ह गौतम शाक्यं जानकारी बियादीगु दु । तुं इलेगु झ्वलय् थनं भोटे ताःचा निज्वः पिहांवःगु दु । थुगु हे झ्वलय् थौं सुथंनिसें येाया न्हूघःत्वालय् सिथिद्यया पूजा यायेगु ज्या जुयाच्वंगु दु ।