तःदँलिपा खानेपानी योजना निर्माण

नुवाकोट (झीगु स्वनिगः)

त्वनेगु लःया अभावय् तःदानिसें दुःख फयाच्वंपिं नुवाकोटया बुधसिङ गाविसया सर्वसाधारण खानेपानी योजना निर्माणय् थःपिं हे छधी जुयाः न्ह्यज्याःगु दु । न्हियान्हिथं सुथंनिसें सनिलय्तक्क खानेपानी योजना निर्माणया नितिं थौंकन्हय् उगु हे गाविसया वडा नं. २, ३ व ४ या गामात न्हियान्हिथं न्ह्यज्याःना च्वंगु दु । उपभोक्ता समितिपाखें कूल नीच्यागू लख तकाया लागतय् खानेपानी योजना निर्माण ज्या न्ह्याःगु खः । बुधसिङ गाविसया वडा नं. ५ निसें प्यंगू किलोमिटर ताःहाकःगु पाइप लाइन लानाः खानेपानीया योजना निर्माण ज्या न्ह्याःगु ज्याझ्वः कजि पुरुषोत्तम श्रेष्ठं जानकारी बियादिल । योजनाया नितिं नेपाल स्वास्थ्यया नितिं लः नांया संस्थां झिंन्हय्गू लख व ल्यं जनश्रमदानपाखें वइगु असारदुने योजनाया निर्माण क्वचायेकेगु कजि श्रेष्ठं जानकारी बियादिल ।

थौंकन्हय् त्वनेगु लःया सुविधा छेाय् छेाय् हे दइगु जुइवं गामात तसकं हे तय्ताःगु दु । 'त्वनगु लः निसें कयाः बस्तु भाउयात नापं लःया जोहो यायेत तसकं मुस्किल दु, आः ला जिमिसं थःपिंसं हे योजना दयेकाः न्ह्यःज्यानाः च्वनागुलिं तःदानिसें पीडा लनेत्यंगु दु ।' उपभोक्ता रामेश्वर श्रेष्ठया दुःखलिपाया उत्साह दु । योजना क्वचायेधुंकाः निसः व झिंच्याखा छेाय् प्रत्यक्ष लाभान्वित जुइगु जानकारी ब्यूगु दु । त्वनेगु लःया नितिं थौंकन्हय् न्हियान्हिथं सच्छि व न्यय्म्ह ज्याकःमिपिं न्ह्यःज्यानाच्वंगु दु । त्वनेगु लःया अभावय् बुधसिङ गाविस वडा नं. ४ हटियाय् दुगु छगू जक पुलांगु हितिइ न्यय्खा छेायात त्वनेगु लः गाकेमाःगु बाध्यता दुगु उपभोक्ता कृष्णबहादुर अधिकारीं जानकारी बियादिल । उगु थासय् त्वनेगु लः हयेगु विषयलय् तारुकावासीलिसे वंगु ताःइलंनिसें विवाद नापं जूगु खः । सिाचाइया नितिं धासें मुहानया लः बुधसिङबासीं त्वनेतकं मखंगु खःसा अनया स्वंगुलिं वडाबासी घौच्छियंक न्यासि वनाः लःया समस्या ज्यंकेमाःगु खः । त्वनेगु लःया नितिं लः हयेधुंकाः अननिसें क्वय् दुगु बुाइ छुं सिाचाई बन्द जुयाः बुा अथें खालि जुइगु जानकारी ब्यूसें तारुका गाविस वडा नं. १ या सर्वसाधारणतय्सं त्वनेगु लःया नितिं पनाः ब्यूगु खः ।

तारुका व बुधसिङबासीत लःया विवाद ज्वनाः जिल्ला प्रशासन ज्याकुथिइ छक्वःपतिकं वलं तक्क नं प्रशासनय् हे वादविवाद व ल्वापु जक जुयाच्वंगुलिं समस्या समाधान जुइफुगु मदुनि । प्रमुख जिल्ला अधिकारी गोविन्दमणी भुर्तेल, स्थानीय विकास अधिकारी दामोदर भण्डारी, सिाचाई ज्याकूया प्रमुख मधुकर राना, खानेपानी ज्याकूया प्रमुख रामकृष्ण शेरचन लगायतया पुचलं त्वनेगु लःया अभाव जूगु क्षेत्र व विवादित खानेपानी मुहानया स्थलगत भ्रमण यानाः त्वनेगु लःयात प्राथमिकताय् तयेमाःगु निर्णय यायेधुंनेवं खानेपानीया निर्माण ज्या न्ह्याःगु समाजसेवी दुर्गा ओस्तीं जानकारी बियादिल ।

More Stories Like this