पत्रकारतपाखें प्रशासनय् धर्ना

येँ (झीगु स्वनिगः)

नागरिक न्हिपौया पत्रकार खिलानाथ ढकालयात आक्रमण याःम्ह नाइके परशुराम बस्नेतयात ज्वनेत प्रशासनं आलटाल याःगुलिं म्हिगः मंगलवाः संचारकर्मीतय्सं मोरङया जिल्ला प्रशासनया ज्याकुथिइ धर्ना च्वंगु दु । राजनीतिक आडय् अपराधिक क्रियाकलापय् संलग्न बस्नेतविरुद्ध किटानी जाहेरी नं जुइ धुंकूसां ज्वंगु मदुनि । एमालेया युथ फोर्स मोरङया नायः तकं जुयादीम्ह बस्नेतयात ज्वनेमाःगु माग यानाः नेपाल पत्रकार महासंघ मोरङ शाखाया कुतलय् अथे पत्रकारत धर्ना तकं च्वनेगु याःगु खः । उगु घटनाय् स्वापू दुम्ह धकाः मनोज राईयात धाःसा प्रहरीं नियन्त्रणय् काये धुंकूगु दु ।