मिजला पिमब्वः ख्वालय् रंग पानाः

बुद्ध साय्मि

मि ग्वाः मग्वाः
मि च्याः मच्याः
वया लिक्क लिक्कया फसं धाइ ।

थःत लनेत वं
ताल्जु माः मवं ।
सुइगुं लुखा प्यूवनाः
मि थः म्वानागु दसि फ्वं मवं ।

वं थू
थः म्वाना च्वनी
थःत पाये फत्तले ।
कतः थः याये फतले ।

पसः पसलय् वनाः
मि थःगु रंग माः मजू
न्याः मजू
बरु सासः पतिं
थःगु नुगः क्यँनी
धात्थें ला
सःहे मतसे
देना च्वंपिंत
वं जुरुजारुं थनी ।

More Stories Like this