बाध्यतां हे नं सयेके माल नेपालभाषा

कृष्ण

जनकपुरया श्यामबहादुर श्रेष्ठयात नेवाः भाय् मसयेकूसा दछि दुने थःगु नेवाः सना गुथिं पितिनेगु क्वःछित । येँय् वयाः यलया खुमलटारय् स्थायी बसोवास यानाच्वंम्ह वय्कः अनया स्थानीय गुथियार खःसां फुक्कं फुक्कं नेपालभाषां खँ ल्हाइ तर वयात नेपालभाषा सयेके इच्छा दुसां छुं नं कथंया मौका चूमलाःगु कारणं अथें लानाच्वन । त्रिविवि नेपालभाषा केन्द्रीय विभागं अतिरिक्त कि्रयाकलाप थें हे स्वला तक नेपालभाषा स्यनीगु जानकारी गोरखापत्रय् वयेवं वय्कः आतुर जुयादिल । छगू इलय् नेवाः देय् दबुिलं नेपालभाषा न्ववाये सःिपं जक देय् दबूया दुजः निर्वाचित जुइ दइगु प्रावधान हयेवं नेपालभाषा सयेकेत उकथं हे कुतः जूगु खः ।

आः देय् दबूया दुजः जुइत जक मखु कि गुथियार जुइत नं नेपालभाषा सयेकेत बाध्य यायेवं जनकपुरया ५० दँ पुलेधुंकूम्ह भाजु श्यामबहादुर श्रेष्ठं थः काय् म्ह्याय्िपंत जूसां नेपालभाषा स्यनेगु मति तयाः केन्द्रीय विभागं बिउगु स्वलाया प्रशिक्षण पूवंकादिल । स्वला तकया नेपालभाषा प्रशिक्षणय् सहभागी जुयादीम्ह भाजु रविन्द्र महर्जनया अनुभव नं अज्याःगु हे दु । अझ अडियो भिडियो छ्यलाः प्रयोगात्मक रुपं कक्षा साचालन याःगु जूसा थःिपंसं भाषा अप्वः सयेके खनीगु वय्कःया धापू दु । आः वय्कलं नं सयेकेधुंकूगु नेपालभाषायात निरन्तरता बीगु प्रतिवद्धता प्वंकूगु दु । नापं सिराहं झाःम्ह प्रशिक्षक प्रमोद प्रधानं नं थः रोटरी क्लब यलय् च्वनाः ज्या यानागु इलय् अन फुक्कं निर्णय नेपालभाषां च्वइगु जुयाः आः थः नं नेपालभाषा मसयेकल धाःसा आकिवं रोटरी क्लब यलया प्रेसिडेन्ट जुइगु मौका हे चबुइगु तायेकाः बाध्य जुयाः नेपालभाषा सयेकादीगु खः ।

थुकथं रहरं मखु कि बाध्य जुयाः हे थःगु मांभाय् नेपालभाषा सयेकेत वयाच्वंिपं नेवाःत अप्वः दुथ्याःगु खः िझंप्यम्ह सहभागी तयाः केन्द्रीय विभागं चले याःगु न्हापांगु नेपालभाषाया प्रशिक्षण कक्षाय् । आः थुकथंया मेगु कक्षा नं याकनं हे चले यायेत्यंगु दु । पुलांिपंत बधाई बिदाई व न्हूिपंत लसकुस यायेगु ल्याखं शुक्रवाः न्ह्याकूगु समापन ज्याझ्वलय् नेपालभाषा जर्नल नं मूपाहां कथं झाःम्ह विश्वविद्यालय अनुदान विभागया प्रमुख डा। कमलकृष्ण जोशीं विमोचन यानादीगु खः । प्रशिक्षकिपं नं उगु कक्षां तसकं हे लय्ताःगु खनेदु । मू प्रशिक्षक जुयाच्वनादीम्ह प्रा। डा। सुन्दरकृष्ण जोशीं ला थुगुसी गैर नेवाःत जक दुथ्याःगु खःसा आः वइगु कक्षाय् गैर नेपालीतय्त नं नेपालभाषा कक्षाय् सहभागी यानाः विभागपाखें मेमेगु नं थुकथंया हे नेपालभाषा कक्षा चले यायेगु आँट यानादिल । िझंनिगू लाखया ल्याखय् दुिपं नेवाःत मध्ये विशेष रुपं स्वनिगलं पिनेया प्यंगू लाख ति नेवाःतय्सं नेपालभाषा ल्हायेगु हे त्वःतूगु जुयाः विशेष रुपं पिनेयािपंत हे नेपालभाषा स्यनेगु विभागया लक्ष्य दु ।

मोफसलया नेवाःतय्त नेवाःत हे मखु थें भेदभाव याइगु स्वनिगःया नेवाःतय् पह खनाः आजित जुयाच्वंम्ह श्यामबहादुर श्रेष्ठं आः लिपा गथे न्ह्यज्यायेगु धइगु खँ संस्कृति मन्त्रालयपाखें हे बिचाः ब्याकेमाःगु तर्क तयादिल । झीगु नेपालभाषा जर्मनी जापानी आदि भाषा थें सयेका थाकुयाः जक ब्वनीिपं व सयेकीिपं म्हो जुयाच्वंगु मखु । थन ला थ्व भाय् सयॆकेधुंकाः वयां लिपा छु यायेगु व थुकियात गन छु ज्याय् छ्यलेगु धइगु हे मू समस्या जुयाः न्ह्यःने वइगुिलं सयेकः वईपं मदुगु खः । उगु मचाःमगाःयात नेपालभाषा केन्द्रीय विभाग नापं नेवाः देय् दबू नेपालभाषा मंकाः खलः थेंज्याःगु नेवाःतय्गु राष्ट्रिय संगठनपाखें बिचाः याना वनेगु खत धाःसा निरन्तर रुपं नेपालभाषाया विकासय् ग्वाहालि हे जुयाच्वनीगु खनेदु ।

More Stories Like this