सिथि नखः व तुं

सारासा

सिथि नखःबलय् तुं, हितिगाः, जःधुं, बुंगाः, चुकननि, त्वाःबहाः नापं थःपिंनाप स्वापू दुगु थासय् सुचुपिचु याइ। सिनाज्याया ई त्ययाः वःगुलिं वा वये न्ह्यः न्यंकनं यचुपिचु याइ। तुं इयाः थहां वइबलय् सिनाज्या म्येँ हालाः वइ। उकिं सिथि नखलंनिसें सिनाज्याया म्येँ हाःसां जी ।

नेवाःतय् ईब्यः कथं नसात्वँसा नयेगु चलन दु, थ्व नखःया नसा धयागु थीथी कथंया वः खः। सिथि नखः कुन्हु पृथ्वीमाता धकाः वः तयाः बाय् पुज्या याइ। थ्वकुन्हु पृथ्वीमातायात माया यानाः फय्गुलि समान पलाः छिनाः जुइमाः, ध्यांधिं याना जुइ मजिउ धकाः धाइ। थ्व कुन्हु भ्वंयागु फय्गुलि (पंखा) दयेकाः चाःहुइकेगु याइ। थ्व चलन थ्यंमथ्यं स्वीदँनिसें शहर बजारय् खने मदयेके धुंकल।
सिथिनखःया बारे चिना तःगु दापा म्येँया छत्वाः -
"सिथिनखः वइ, माय् न्याना हइ,
उसांनिसें वः छुनाः चुइँ चुइँ चुइँ ..."

More Stories Like this