पाकिस्तानया कबयाली क्षेत्रया ड्रोन हमलाय् झिंच्याम्ह सित

अफगानिस्तान (एजेन्सी)

अफगानिस्तानया सीमालिक्क लाःगु पाकिस्तानया कबयाली क्षेत्रय् जूगु अमेरिकी मानव रहित विमान ड्रोन हमलाय् झिंच्याम्ह मनूत सीगु दु । सीपिं विद्रोहीत जूगु दाबी याःगु दु । थ्व स्वयाः न्ह्यः थज्याःगु हे प्रकृतिया घटनाय् सर्वसाधारण मिसा लिसे मस्त नापं सीगु यानाच्वंगु खः । विद्रोहीत सीगु धकाः धयातःगु उगु घटनाया आःतक्क नं स्वतन्त्र पुष्टी धाःसा जूगु मदुनि धाःगु दु । मानवरहित विमानं निगः मिसाइल आक्रमण याःगु खः । छुं ई न्ह्यः जक जूगु अज्याःगु हे प्रकृतिया ड्रोन हमलाय् अलकायदाया छम्ह कमाण्डर नापं सीगु खः ।

More Stories Like this