'ए’ डिभिजन लिग धेंधेंबल्लाः कासाय् जावलाखेलं त्याकल

येँ (झीगु स्वनिगः)
सहिद स्मारक 'ए' डिभिजन लिग फुटवल अन्तर्गत म्हिगःया न्हापांगु धेंधेंबल्लाः कासाय् जावलाखेल क्लबं बाँसबारीयात बुकूगु दु । दशरथ रंगशालाय् जूगु धेंधेंबल्लाः कासाय् जावलाखेलं बाँसबारीयात स्वंगू गोल व शून्य गोल अन्तरं बुकूगु खः । जावलाखेलया नितिं कासाया च्यागूगु मिनेटय् विशाल राईं गोल यानाः खाता चायेकेत ताःलाःगु खः । अथेहे हाफया न्यय्गू मिनेटय् विशाल राई 'ए' व गुइगू मिनेटय् सुरज श्रेष्ठं गोल याःगु खः ।

दशरथ रंगशालाय् म्हिगः हे जूगु निगूगु धेंधेंबल्लाः कासाय् प|mेण्ड्स क्लबं युनाइटेड युथयात प्यंगू शून्य गोलया अन्तरं बुकूगु दु । पेण्डसया नितिं प्रकाश बुढाथोकीं न्हापांगु हाफया लिपांगु मिनेटय् न्हापांगु गोल याःगु खः । अथेहे सुरेन्द्र तामाङं निगूगु हाफया न्हापांगु मिनेटय् गोल याःगु खःसा न्हय्च्यागूगु मिनेटय् सुवास लिम्बुं गोल याःगु खः । अथेहे कासाया च्यय्खुगूगु मिनेटय् दुधराजं गोल याःगु खः । थुकथं हे सशस्त्र प्रहरीया हल्चोकस्थित मैदानय् जूगु मेगु धेंधेंबल्लाः कासाय् बि्रगेडं मच्छिन्द्रयात निगू विरुद्ध शून्य गोलया अन्तरं बुकूगु खः । बि्रगेडया नितिं कासाया झिंखुगूगु मिनेटय् सुनिल विके व च्यय्निगूगु मिनेटय् खगेन्द्र खड्कां गोल याःगु खः ।

More Stories Like this