पलेस्वाँ पुखुलिइ स्वाँ

येँ (झीगु स्वनिगः)

विश्व वातावरण दिवसया लसताय् नःत्वाः पलेस्वाा पुखू संरक्षण समितिया ग्वसालय् यल उपमहानगरपालिका वडा नं. २० नःत्वाःस्थित पलेस्वा पुखुलिइ स्वाा पिइगु ज्याझ्वः जूगु दु । यल उपमहानगरपालिका सर्वदलीय संयन्त्रया कजि एकीकृत माओवादीया प्रतिनिधि सरोज सिंया मू पाहाासुइ जूगु उगु वृक्षारोपन ज्याझ्वलय् पाहााकथं ज्यापु समाज यलया नायः रामकाजी अवाले व ललितपुर उद्योग बाणिज्य संघया मू छ्याञ्जे अजरमान जोशी झायादीगु खः । ज्याझ्वलय् मू पाहा सरोज सिंजुं यल उपमहानगरपालिकादुने दुगु थीथी सांस्कृतिक सम्पदा, संस्कृति संरक्षण व सम्बर्द्धन यायेगु ज्याय् सम्बन्धित थासय् च्वंपिं स्थानीय जनतायात हे ब्वति कायेकाः पब्लिक पार्टनरसिप प्रोग्राम कथं ज्याझ्वः यानाः विकास यायेगु राजनीति सर्वदलीय संयन्त्रपाखें यानाः वयाच्वनागु खा कनादिल ।

नःत्वाः पलेस्वाा पुखू संरक्षण समितिया नायः पूर्ण महर्जनया नायःसुइ जूगु ज्याझ्वलय् लसकुस न्वचु समितिया न्वकु मय्जु सजनी महर्जनं बियादीगु खःसा समितिया सल्लाहकार कदमलाल महर्जनं पलेस्वाा पुखूया ऐतिहासिक पक्ष व संरक्षण यायेमाःगुया कारण बारे जानकारी बियादीगु खःसा ज्याझ्वः समितिया छ्याञ्जे बाबुराजा महर्जनं न्ह्याकादीगु उगु ज्याझ्वलय् नःत्वाःया मंकाः खलःया सकल दुजःपिं व नःत्वाः मिसा पुचःया सकल दुजःपिंसं ब्वति कयादीगु खः । - रामकाजी अवाले