रामदेवया नेपाली अनुयायीत प्रहरी नियन्त्रणय्
येँ (सन्ध्या टाइम्स)/ भारतय् रामदेवया अनसनय् प्रहरीं हस्तक्षेप याःगु घटनाया विरोधय् नेपालय् च्वंगु पतञ्जली योग समितिया सलंसःम्ह अनुयायीत थौं नेपाःस्थित भारतीय दूतावासय् ज्ञापन पत्रि बिउ वंगु इलय् उमित नं प्रहरीं ज्वना यंकूगु दु ।
लैनचौरय् स्काउट ख्यलय् तयाः उखे थुखे मछ्वसे प्यम्ह जक प्रतिनिधित वनाः दूतावासय् ज्ञापनपत्र बिउ वंगु खःसा उगु इलय् सलंसः योग समितिया मनूतय्त प्रहरीं थःगु नियन्त्रणय् कयातःगु खः ।
