जनतां मालाच्वन देशभक्त नेतात दि।आर।खड्गे

सन् २००९ सालया आम निर्वाचनय् नं सिद्धान्त व नीतिया चर्चा कम तर धर्म जाति क्षेत्रीय व व्यक्ति विरोधी चर्चा अप्वः जुयाच्वंगुिलं भारतया जनता दिक्क जुयाच्वंगु दु । भारतीय जनतां नं नेतातय्त खुल्ला रुपं द्वपं बीगु
याः । जनतां बीगु द्वपं यक्व दु तर विशेष यानाः निगू द्वपंया विशेष चर्चा दु । छगू पार्टीं टिकट बियाः चुनावय् क्वकयातःिपं उम्मेदवारत शुद्धता दुिपं कम व अपराधी प्रवृति दुिपं अप्वः दुगुिलं जनता असन्तुष्ट जुयाच्वंगु दु । मेगु चुनावं त्याना वईपं नेतापाखें नं देय् व समाजया लािगं ज्या याइ धइगु विश्वास मदुगु खँ धायेगु याः । तर नेतातय्सं धाःसा थथे यायेगु अथे यायेगु धकाः दबुली ितंितं न्हुयाः भाषण बियाच्वनी ।

थ्व दँया चुनावय् नेपाः सम्बन्धी नीतिया विषयय् तच्वःगु मतभेद पिहां वःगु दु । छाय्धाःसां भाजपाया नेता लालकृष्ण आडवाणीं कांगे्रस पार्टीयात तप्यंक द्वपं बिल नेपाःया परराष्ट्र नीतिया मामिलाय् सर- कार असफल जुयाच्वंगु दु धकाः । वय्कःया संकेत खः नेपाः भारतया प्रभावं फुत्के जुइगु लँय् वनाच्वन । नेपाःयात नियन्त्रण यायेत असफल जूगुिलं भारतया भूमिइ नं माओवादी पार्टी व मेमेगु सशक्त पुचःतय्सं भारतीय समाजय् आतंकया वातावरण हयाच्वन धाल । भाजपां कांगे्रसयात दोष बियाः जनताया विश्वास व सहानुभूति कायेगु कुतः यानाच्वंगु खः । कांग्रेस पार्टीया प्रवक्ता विरप्पामोइलीं भाजपा नेताया द्वपंयात खण्डन यासें धाल भारतीय परराष्ट्र नीतिया रणनीति स्वाभाविक रुपं थथे जुइ । भारतयात अत्यधिक फाइदा दइ कथं भारतं कुटनीतिक चाल म्हिती । भारतया नेतातय्गु धापुितं छु खँ प्रस्ट जुल धाःसां नेपाःया नेतातय्त भारतया नेतातय्सं तन्त्रमन्त्र यानाः नेपाःया अमूल्य सम्पत्ति लाका यंकाच्वंगु दु । अथे हे भारतया इशाराय् थनया नेतातय्त प्याखं हुइकाच्वंगु दु धयागु खँ नं सी दत । भारतं तःदँ न्ह्यवंनिसें नेपाःयात अर्ध औपनिवेशय् तयाः अत्यधिक लबः कयाच्वंगु खँ इतिहासं नं क्यनाच्वंगु दु । अर्ध औपनिवेश विरुद्ध प्रत्यक्ष अथवा अप्रत्यक्ष रुपं जनता व शासकपाखें संघर्ष ला यानाच्वंगु दु तर अज्याःगु संघर्षयात दथुइ हे थामथुम याना छ्वइगु जुयाच्वन । राणा शासनया इलय् लखन थापां याःगु विद्रोह नं विदेशी व स्वदेशी शोषकतय् विरुद्ध हे खः । लखन थापायात भारतया झिद्वः सैनिक वयाः दबे यात । डा। के।आई। िसंहं नं भारतया शोषण विरुद्ध संघर्ष याःगु खः धायेमाः । डा। िसंहयात नं स्वदेशी व विदेशी सेनां दबे यानां त्वःतल । नेपाःया शासक व नेतातपाखें नं इलय् ब्यलय् भारतया थिचोमिचो विरुद्ध असन्तोष प्वंकाः भारतीय प्रभावपाखें मुक्त जुइत मस्वःगु मखु । तर सफल जुइ मफु । दसुया लािगं जुजु महेन्द्र व वीरेन्द्रं नं भारतया प्रभावपाखें मुक्त जुइत स्वःगु खः । २०४६ साल लिपा एमालेया नेता मदन भण्डारीं नं भारतयात अत्यधिक लबः दइगु टनकपुर सम्झौताया विरुद्ध संघर्ष याःगु खः । टनकपुर मुद्धाया कारणं हे भण्डारीया अवसान जूगु खः धाइ । नेपालय् भारतया रणनीति सफल जुयाच्वंगुया कारण भारतया दादागिरि जक मखुसें भारतीय स्वार्थ कथं ज्या याईपं नेतात नेपाःया उच्चपदय् थ्यना च्वंगुिलं नं खः । नेपाःया नेतातय्गु मानसिकता हे भारतभक्त जुयाच्वंगु खनेदु । नेतातय्गु सोच व विचाः हे भारतयात लय्तायेकाः सत्ताय् थ्यंकेगु खः । थज्याःगु विकृति मानसिकतां यानाः नेपाः विश्वया न्ह्यःने बदनाम जुयाच्वंगु दु । अले थुिकं हे यानाः देय् झन झन कंगाल जुजुं वना- च्वंगु दु । देय् कंगाल जुयाच्वंगुया दोष फुक्क दरवारिया शक्तियात जक बियाः विदेशीतय् आशिर्वाद कयाः फुक्क पार्टीत मिले जुयाः दर- बारिया शक्तियात ध्वस्त यानां त्वःतल । झीगु धापू दरवारिया शक्ति ठीक धायेत्यनागु मखु । दरवारया छगू निगू अडान ठीक खः । झीगु धापू उलि जक खः । दरवारं छगू ला नागरिक विधेयकयात अस्वीकार यानाः भारतीतय्त नागरिकता बीकेगु बन्द यानाबिल । मेगु अडान खः नेपाःया विकासया लािगं चीननाप नं आर्थिक कारोबार अप्वयेका यंकेगु नीति ज्वंगु । नेपाःया उन्नति व प्रगति मयाकेगु लागि स्वदेशी व विदेशी शोषकतय्सं न्ह्याबलें नं षडयन्त्र याना हे च्वनी धयागु खँ नं प्रस्ट जुल । झीगु देय् गरिब मखु धनी देय् खः । छाय्धाःसां प्रकृितं बरदान बियातःगु अमूल्य प्राकृतिक सम्पत्तित थन यक्व दु । यदि झीसं ठिक ढंगं प्राकृतिक सम्पत्तिया उपयोग याये फत धाःसा विश्वय् धनी देय् मध्यय् नेपाः नं लायेफु । देय् ठिक ढंगं संचालनया लािगं सकारात्मक सक्षम व सबल नेतृत्वया आवश्यकता दु ।

वंगु वालय् प्रधानसेनापति कटवालया बारे गुलि नं नाटक जुल उकिया लिउने विदेशी शक्तिं यक्व षडयन्त्र यानाच्वंगु खँ माओवादी नेतातय्गु म्हुतंु हे पिहां वल । भारतया राजदूत सुदं सेनापति चीकल धाःसा तःधंगु गल्ली जुइ धकाः नेता- तय्त ख्याच्वः तकं बिउगु जुयाच्वन । माओवादी नेतातय्सं खुल्ला रुपं धाल आत्मसर्मपण याकेत जिमित खुब कुतः यात तर जििपं थःगु अडानं लिमचिला । माओवादी नेतां स्पष्ट रुपं थ्व नं धाल नेपाःयात भारतया छगू प्रान्तयात ब्यवहार याये थें यात । नेपाःया प्रधानमन्त्रीयात भारतया छगू प्रान्तया मुख्यमन्त्रीया लेबलय् तयाः ब्यवहार यानाच्वन । भारतया राजदूतं राज्यपालया भूमिका म्हिताच्वन । जनतां थ्व नं धयाच्वंगु दु माओवादी थ्व अवस्थाय् तक वयेत भारतया समर्थन मदु धाये मिछं । तर न्हापा न्ह्यागु जुइमा माओवादीं आः भारतया दबाबं मुक्त जुइत स्वयाः देशभक्त अडान कयाच्वंगुिलं सारा जनताया सहानुभूति वनाच्वंगु दु । जनताया इच्छा व आकांक्षा नं भारत विरोधी जुइमाः धयागु मखु । खालि भारतया हस्तक्षेपकारी पलाःया जक विरोधी खः । अथे जूगुिलं यदि माओवादीं देशभक्त अडान मत्वःतल धाःसा जनतां न्ह्याबलें साथ बियाच्वनी । यदि माओवादीं हानं भारतयात लय्तायेकेगु राजनीतिक खेल म्हिताच्वन धाःसा जनतां अवश्य नं न्हूम्ह देशभक्त नेतायात न्ह्यःने हयाः देय्या सुरक्षा व उन्नतिया लािगं कडा संघर्ष व मेहनत यानाः थःपिनि लक्ष्ययात साकार यानां त्वःती ।

More Stories Like this