हानं पुलांगु हे पह
न्हूगु सरकार गठन यायेगु धकाः नेपालय् आः वयाः हानं छक्वः पार्टीतय्सं छगुिलं मेगु तछ्यायेगु व सांसदत न्याना कायेगु खेल जुयाच्वंगु समाचारत वयाच्वन । अज्याःगु समाचार ब्वनेबलय् मनय् हे चसक्क वं । नेतातय्सं थ्व देशयात न्हूगु नेपाः दयेकेगु धकाः ला जनतायात बचन बिउगु खः । तर उमिसं आः थ्व देशयात न्हूगु नेपाः ला मखु पुलांगु नेपाः सिबें नं अझ पुलांगु नेपाः दयेकेत्यंगु थें च्वं । न्हापा न्हापा हे गबलें मजूनिगु ज्याखँत थौंकन्हय् जुयाच्वंगु दु । सांसद न्यायेगु मीगु धइगु ला न्हापा न्हापायािपं नेतातय्सं जक याइगु खः । अज्याःगु ज्यां यानाः सांसदतय्त बैंककय् यंकेगु होटलय् कुना तयेगु मिसा यंकाः भ्यरे याकेगु ध्यबा नकेगु कुना तःिपं सांसदत बिसिउँ वनेगु छु जक मजू आः नं हानं अज्याःगु हे खेलत झीथाय् जुइगु सम्भावना पिहां वयँच्वन । नेपाः हानं अथे हे जुइगु खःसा थ्व ला न्हूगु नेपाः छप्ति नं मजुल । नेतातय्गु थज्याःगु पहः हे झी नेपाःमितय्गु दुर्भाग्य खः थें च्वं ।
- विजयकुमार राजकुमार श्रेष्ठ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
