सहिद स्मारक 'ए’ डिभिजन लिग

ये (झीगु स्वनिगः)

येँ न्ह्यानाच्वंगु सहिद स्मारक 'ए' डिभिजन लिग अन्तर्गत थौंया न्हापांगु धेंधेंबल्लाः कासाय् नेपाल आर्मी व बौद्ध क्लब दथुइया धेंधेंबल्लाः कासाय् क्वचाःगु दु । निगुलि टीमपाखें छगू हे गोल मजुइवं उमिसं अंक इनाकाःगु खः । दशरथ रंगशालाय् जूगु धेंधेंबल्लाः कासाय् निगुलिं पक्षं गोल यायेमफुत । रंगशालाय् हे जूगु निगूगु धेंधेंबल्लाः कासाय् मेगा थ्री स्टारं एनआरटीयात एक शून्यया अन्तरं बुकेत ताःलाकूगु दु । मेगा थ्री स्टारया नितिं स्वीच्यागूगु मिनेटय् पेनाल्टीपाखें अनिल ओझां गोल यायेत ताःलाःगु खः । आःतक्कया धेंधेंबल्लाः कासाय् २२ अंकलिसे प्रहरी दकले च्वय् लानाच्वंगु दुसा अथेहे, झिंच्यागूगु अंक लिसे हिमालयन निगूगु थासय् च्वनेत ताःलानाच्वंगु दु ।

More Stories Like this