जातिगत खलः पुचः भेला

ये (झीगु स्वनिगः)

नेवाः स्वायत्त राज्य मंकाः संघर्ष समितिया ग्वसालय् वइगु असार ४ गते जातिगत खलः पुचःया भेला सःतेत्यंगु दु । नेवाःतय्गु ख्यलय् दुगु करिव स्वंगू डर्जन जातिगत खलः पुचःतय्त सःताः नेवाः आन्दोलन व न्हूगु संविधानया विषयवस्तुयात कयाः अथ्य भेला सःते त्यंगु खः । प्रत्येक खलः पुचःपाखें मिजं व मिसापिनिगु झिम्ह/झिम्ह प्रतिनिधित सःताः उगु विषयलय् सहलह व्याकीगु जूगु खः । वंगु शुक्रवाः च्वंगु समितिया मुंज्यां अथ्य यायेगु खँ क्वछ्यूगु खः ।