विकल्प तयार मजूत्तले प्रधानमन्त्रीया राजीनामा मवइगु

ये (झीगु स्वनिगः)

प्रधानमन्त्री झलनाथ खनालं राष्ट्रिय सहमतिया सरकारया विकल्प तयार मजूत्तले राजीनामा मबीगु खा लिसा कयादीगु दु । न्यागू बुादे सहमति कार्यान्वयनया नितिं थः दृढ दुगु धयादिसें वय्कलं देय्या न्ह्यःने राष्ट्रिय सरकारया विकल्प मदुगु नापं धयादिल । विश्व वातावरण दिवसया लसताय् आइतवाः येाय् याःगु छगू ज्याझ्वलय् न्वंवानादिसें प्रधानमन्त्री खनालं थः राष्ट्रिय सहमतिया नितिं प्रयत्नरत दुगु धयादिल ।
संविधानसभा विघटन यायेत स्वइपिनिगु नितिं न्यागू बुादे सहमतिं धिसिलाःगु लिसः ब्यूगु धयादिसें प्रधानमन्त्रीं संविधानसभा थःगु कार्यभार पूमवंकूत्तले अस्तित्वय् च्वनाच्वनीगु न्ह्यःथनादिल । थप याःगु स्वलाया ईयात आपालं छ्यलेगु पक्षय् थः दुगु वय्कःया धापू खः । मानवीय कारणपाखें वातावरणय् प्रतिकूल असर लाःगु धयादिसें प्रध्ाानमन्त्री खनालं वातावरण संरक्षण व सम्बर्द्धनया नितिं सरकार प्रतिबद्ध दुगु धयादिल । वातावरण ल्यंकेत सरकारया अभियानय् देय्या फुक्क क्षेत्रपाखें तिबः बिइत वय्कलं इनाप नं यानादिल ।