नीन्यागू मेगावाटतक्कयात अप्वः भाः

ये (झीगु स्वनिगः)

जलविद्युतया निजी लगानीकर्ता आकषिर्त यायेत विद्युत प्राधिकरणं नीन्यागू मेगावाट स्वयाः चीधंगु आयोजनायात बिइगु भाः थकाःगु दु । प्राधिकरण सञ्चालक समितिं जलविद्युत लगानीकर्तायात प्रोत्साहित यायेगु नितिं सुख्खा यामया नितिं प्रतियुनिट छतका व चालिस पैसा व वषर्ायामयात असी पैसा भाः थकयाः न्यायेगु निर्णय याःगु दु । प्राधिकरणं पुस - चैत सुख्खा व वैशाख - मंसिरयात वषर्ायाम तायेकाः निजी क्षेत्रं उत्पादन याःगु बिजुली न्यायेगु यानाच्वंगु दु । 'निजी क्षेत्रयात आकषिर्त यानाः आयोजना दयेकेत प्रेरित यायेगु नितिं विद्युतया भाः थकायेगु निर्णय यानागु खः,' प्राधिकरणया प्रवक्ता गोसाई केसीं धयादिल । प्राधिकरणं न्हूगु विद्युत न्यायेगु सम्झौता -पिपिए) जुइगु आयोजनायात सुख्खायामया नितिं प्रतियुनिट च्यातका व चालिस पैसा व वषर्ायामयात प्यता व असी पैसा बिइ ।

'आवंनिसें पिपिए जुइगु आयोजनाया जक भाः थकायेगु निर्णय जूगु खः,' प्रवक्ता केसीं धयादिल । वंगु चैतय् सरकारं हःगु 'ऊर्जा संकटकाल' सम्बन्धी ज्याझ्वलय् पिपिए दर नीगू प्रतिशतं थकायेगु घोषणा याःगु खः । नीन्यागू मेगावाटतक्कया आयोजनापाखें उत्पादन जुइगु मतयात प्राधिकरणं छगू हे भावं न्याइ । व स्वयाः तःधंगु आयोजनाया मत न्यायेबलय् धाःसा प्राधिरकण व प्रबर्द्धकत दथुइ वार्ता यानाः क्वःछीगु नीति दु । ऊर्जा संकट ज्याझ्वलय् विद्युत उत्पादनया नितिं प्रेरित यायेगु उद्देश्यं फुक्क आयोजनापाखें उत्पादित मतय् नीगू प्रतिशततक्क भाः थकायेगु न्ह्यःथनातःगु खः । तर, उगु बुादाय् विवाद जुइवं सरकारं न्हूगु पिपिए दुगु आयोजनायात जक भाः थकायेगु कथं संशोधन यायेगु ज्या नापं जूगु खः ।

क्वःछ्यूगु इलय् उत्पादन यायेत आयोजनायात न्याक्वःतक्क दच्छिया स्वंगू प्रतिशतया दरं मूल्य वृद्धि नापं यानाः प्राधिकरणं मत न्यायेगु निर्णय जूगु दु । क्वःछ्यूगु ई स्वयाः लिबाक्क आयोजना दयेकीपिंसं धाःसा दच्छिया वृद्धि जुइगु सुविधा काये खनीमखु । 'क्वःछ्यूगु ई स्वयाः न्यय्प्यला स्वयाः लिबाक्क उत्पादन यायेत आयोजनां छु नं मूल्य वृद्धि याये दइमखु,' केसीं धयादिल । निजी आयोजनालिसे न्यायेगु भाः थहां वनीगु जुइवं प्राधिकरणं उपभोक्तां पुलीगु मतया भाः थकायेत सरकारलिसे इनाप नापं याःगु दु । दच्छि न्ह्यःनिसें प्राधिकरणं मतया भाः थकायेगु नितिं प्रकि्रया न्ह्यःने न्ह्याकूगुलिइ ऊर्जा संकटकाल ज्याझ्वलं महसुल निर्धारण आयोग खारेज यायेधुंकाः दीकूगु खः ।

More Stories Like this