संविधानसभाया म्याद थप याःगु ज्यायात देय् दबूपाखें लसकुस
प्रमुख स्वंगू दलत दथुइ न्यागू बुँदे सहमति जुयाः संविधानसभाया म्याद थप याःगु ज्यायात नेवाः देय् दबूलिं लसकुस याःगु दु ।
नेवाः देय् दबूया नायः नरेश ताम्राकारं छगू विज्ञप्ति पिथना स्वला थप याःगु संविधानसभाया म्याद दुने शान्ति प्रक्रियायात निष्कर्षय् थ्यंकाः संविधानया प्रारम्भिक मस्यौदा तयार यानाः संविधान निर्माणया प्रक्रिया क्वचायेकेत माग यानादीगु दु ।
न्हूगु संविधानय् नेवाःय् आदिभूमि नेपालमण्डया प्रचीन ऐतिहासिक पक्षयात कःघाना स्वायत्त, स्वशासन, आत्मनिर्णयया अधिकार व अग्राधिकार सहितया नेवाः प्रदेश सुनिश्ति यायेमाःगु माग नं विज्ञप्तिइ न्ह्यथनातःगु दु ।
विज्ञप्तिइ नेवाः आदिभूमियात राजधानी प्रदेशया कथं प्रस्ताव याःसा व नेवाःतय् भावना अःख जुइगु न्ह्यथंसें अज्याःगु प्रस्ताव नेवाः समुदाययात छुं नं हालतं स्वीकार्य मजुइगु धयात:गु दु । अथेहे विज्ञप्तिइ दबूया नायः ताम्राकारं नेवाः प्रदेश सहितया संविधान निर्माण यायेगु प्रति फुक्कसिया ध्यान केन्द्रीत जुइगु विश्वास नं प्वंकादी दु ।
More Stories Like this
कन्याम इलामय् नेपालभाषा कक्षा न्ह्यात धिमे बाजं व भाषा प्रशिक्षण ज्याझ्वः क्वचाल थुर्पुय् स्वक्वःगु लाखे प्याखँ धेधेबल्ला ओखलढुंगाय् नेपालभाषा कक्षा क्वचाल नेवाः देय् दबू ओखलढुंगा तदर्थ समिति स्वन
