वातावरण स्वच्छ याना तये

सम्पादकजु
झी निरोगी जुइमाः धकाः स्वच्छ फय् कायेगु लािगं गुम्हं गन गुम्हं गन सुथ न्हापां मर्नीङ्ग वाक यायेत वनी । अथे हे जि नं मर्नि¨ वाक यायेत स्वयम्भू वनेगु यानाच्वनागु नं यक्व दँ दयेधुंकल । तर थौंकन्हय् स्वयम्भूइ छु जुइ छु जुइ स्वयम्भु त्वाथं गया वनेबलय् वहे इलय् बँ पुयाच्वंगु पाः लाइगु । अले न्हाय् प्वाः तिनाः बल्ल बल्ल च्वय् थ्यनीगु । अले अन स्वयम्भुया प्यखें मिखा चायेकाच्वंगु खनीबलय् मन आनन्द जुइकाः द्यः दर्शन यानाः माजुश्री दर्शन याः वनी तर अन थौंकन्हय्यािपं ल्यासेचा ल्याय्म्हचातय्गु पहः खनीबलय्् उिपं अन च्वनाः सनाच्वंगु पहः खनीबलय् धाःसा थः हे मछालाः मिखा तिसी मालीगु । अले अन हे थाय्थासय् फोहोर मुंकाः च्याकाच्वनी उकियागु कुँ नं मिखा पालुयाः न्हाय् बन्द याये मालीगु । थ्व खनाः मतिइ लुया वइ हरे निरोगी जुइगु लािगं व पुण्य कमे यायेगु लािगं स्वयम्भू वयेगु थज्याःगु पहलं गथे निरोगी जुइ झीत ला थथे जू धाःसा विदेशं वयाः नेपाः चाःहिउ वईपं पाहुनातय्सं छु जक धाल जुइ धकाः बिचाः वइगु ।

स्वयम्भूया जःखः महासमिति नापं आपालं संस्थात पुचः व खलःत उलिमछि दु । वय्कःिपं दक्वं जानाःसां थुकियात रोके यायेत कुतः यायेमाली धकाः दुनुगलंनिसें इनाप यानाच्वना ।

- कृष्णमान डंगोल
मखंगल्ली तुन्छेबहाः येँ

More Stories Like this