सिथि द्यःया न्हवं
यँ (सन्ध्या टाइम्स)/दँय्दसं थें थुगुसी नं म्हिगः सिथिनखःयां प्यन्हु न्ह्यः थनया सिथिद्यःया न्ह्वं यायेगु ज्या जुल। टेकु दोभानं हयातःगु नीलः सिजःया घलं लुयाः अथे न्हवं याइगु खः। सिद्धीपुर (थसि) यापिं नियमकूपिं निम्हसिनं द्यःया जवंखवं च्वनाः सिजःया घलं लः लुयाः न्हवं याइगु खः। अथे न्हवं याइबलय् जवय् च्वंम्हेस्यां न्हापां लुल धाःसा थःनेपाखे न्हापां सिनाज्या जुइगु व खवय् च्वंम्हेस्यां न्हापां लुल धाःसा क्वःनेपाखे न्हापां सिनाज्या जुइ धइगु जनविश्वास दु। म्हिगः खवय् च्वंम्हेस्यां न्हापां लखं लुइकूगु खः। सिथिनखः कुन्हु थ्व द्यःया जात्रा याइगु परम्परा दु ।
