४ गते जातीय खलः पुचःया भेला
येँ (सन्ध्या टाइम्स)/नेवाः स्वायत्त राज्यया निंतिं संघर्ष याना वयाच्वंगु नेवाः स्वायत्त राज्य मंकाः संघर्ष समितिं वइगु असार ४ गते जातीय खलः पुचःया प्रतिनिधितय्गु तःजिगु भेला याइगु जूगु दु। नेवाः स्वायत्त राज्यया आन्दोलन नापं न्हूगु संविधान निर्माणया विषयय् जुइगु उगु भेलाय् नेवाः दुनेया थ्यंमथ्यं स्वंगू दर्जन जातीय खलः पुचःया प्रत्येक खलःपाखें झिम्ह मिजं व झिम्ह मिसा प्रतिनिधि दुथ्याकाः उगु भेला यायेत्यंगु खः। वंगु शुक्रवाः संघर्ष समितिया नेतृत्व व जातीय खलः पुचःया प्रतिनिधितय् मुँज्यां उगु भेला यायेगु निर्णय याःगु खः ।
