म्हिगः नेवाः प्रेश दबुया दँमुज्या

येँ (झीगु स्वनिगः)

नेवाः संचारया मू आधार संचार क्षेत्रय् झीगु अधिकार धइगु मू नारा तयाः पलिस्था जूगु नेवाः प्रेस दबू, नेपाःया म्हिगः दँमुंज्या यायेगु झ्वलय् मोति पत्रकारीता सिरपाः लःल्हागु दु । दँय् दँसः ल्याय्म्ह पत्रकारतय्त हःपाः वीगु कथं नीस्वना तःगु थुगु सिरपाः थुगुसिइ झीगु स्वनिगः न्हिपौया कार्यकारी सम्पादक रुपा महर्जनयात लःल्हागु खः । संविधान सभाया उपसभामुख मय्जु पूर्णकारी सुवेदिया मू पाहांसुइ जूगु उगु ज्याझ्वलय् मेपिं वरिष्ठ व्यक्तित्वपिं नेपाल भाषा प्रेस जगतं हरि श्रेष्ठ, नेपाल भाषाया व्याकरण विद् रमापति राज शर्मा व कार्तिक व्याखंया गुरु हरिमान श्रेष्ठयात नं हंगु दु । येँ, यल व ख्वप जिल्लां हंःपिं वय्कःपिं ताः ई निसें नेवाःतय्गु ख्यलय् थःगु जीवन पानादीपिं व्यक्तित्व खः ।

नेवाः प्रेस दवूया नायः नरेन्द्र श्रेष्ठया अध्यक्षताय् न्ह्याःगु उगु ज्याझ्वलय् पाहाँ कथं प्रेस दबूया सल्लाहकार भाजु मोतिलाल शिल्पकार, सुरेश खड्गी, न्हू प्रेष्टीज नेपाःया सम्पादक नरेन्द्र राजभण्डारी लगायतपिसं थःथःगु नुगः खँ तयादीगु खः ।