रामदेव भ्रष्टाचार विरुद्ध अनसनय्
रामदेव थः हे अर्थिक अनियमितताया विवादय्
योग गुरु स्वामी रामदेवं (रामकृष्ण यादव) भारतय् अप्वयाच्वंगु भ्रष्टाचार विरुद्ध शनिवाः निसें अनसन सुरु याःगु दु । भ्रष्टाचार व भारतया नागरिकतय्सं कर छले यानाः विदेशी बैंकय् जम्मा यानातःगु ध्यबा भारतय् हे लितहेमाःगु माग यासें भारतया राजधानी दिल्लीस्थित रामलीलाय् थनिंनिसें अनशन सुरु याःगु खः ।
छगः निजी विमानं दिल्ली थ्यंकादीम्ह रामदेवयात अनसन न्ह्यः भारत सरकारया उच्च पदाधिकारीतय्सं शुक्रवाः वार्ता याःसां असफल जुइवं अनसन न्ह्याःगु खः । सरकारी अधिकारीतय्सं धाःसा वार्ता सकारात्मक जूगु टिप्पणी याःसां अनसनकारीतय् माग थौं वा कन्हय् हे लागू यायेफइगु अवस्था धाःसा मदुगु खँ धाःगु दु ।
थीथी योग आसन व भजन पाखें अनसन सुरु याःगु ज्याझ्वलय् रामदेवया द्वलंद्वः समर्थकतय्सं ब्वति कयाच्वंगु दु । रामदेवं धाःसा थःगु अनसनयात सत्याग्रह जूगु दावी यानाच्वंगु दु ।
भारतय् भ्रष्टाचारया हुनिं जनताय् अक्रोश अप्वयाच्वंगु इलय् थुगु अनसनपाखें सत्ताय् फेरबदल जुइफुगु ग्याचिकु भारतया सरकारं काःगु दु । स्वंगू करोड जनतां टेलिभिजनपाखें स्वइगु योज्ञया गुरु रामदेवनाप प्यंगू करोड निजी सम्पत्ति दुगुलिं नं भारत सरकारयात थुगु अनसन कपाः स्याःगु विषय जूगु अनुमान याःगु दु ।
उखे भारतया अधिकारी, अधिवक्ता व दिल्लीस्थित स्वतन्त्र व्यक्तितय्सं धाःसा रामदेवया अनसनया छुं अर्थ मदुगु टिप्पणी याःगु दु । इमिसं अनसनयात रामदेवं सन् २०१४य् जुगुइ आम निर्वाचनय् ब्वति कायेत याःगु राजनीतिक प्रचारया संज्ञा बिउगु दु ।
अथेहे थःगु हे निजी विमान दुम्ह रामदेवया अकुत सम्पतिया ल्याःचा हे मदुगु दावी यासें इमिसं रामदेवयात योज्ञापाखें मुंकूगु ध्यबा सार्वजनिक यायेत हाथ्या तकं बिउगु दु ।
News Location:
More Stories Like this
चिकंया भाः कुहां वनाः ऋणात्मक बेलायतं चीनपाखें न्याःगु टेस्टिङ किटं ज्या मबिल बेलायतया प्रम बोरिस जोन्सन आइसीयूलय् अमेरिकाय् २ लाख ४० हजारतक सिइफुगु व्हाइट हाउसया अनुमान सामाजिक दूरी अवज्ञा याःपिन्त सिंगापुरय् खुलातक जेल
