यलय् जनगणना बारे सहलह मुँज्या
य ल(सन्ध्या टाइम्स)/नेपालभाषा मंकाः खलः यलया ग्वसालय् थौं सनिलय् मंकाः खलःया ज्याकू त्यागलय् च्वंगु मंकाः दबू छेँय् जनगणना बारे सहलह ज्याझ्वः यायेत्यंगु दु। तथ्यांक विभागया स्वनिगः प्रमुख ज्ञानेन्द्र बज्राचार्य मूपाहां जुयादीगु उगु ज्याझ्वलय् थौं यलया मिसा पुचः, मां पुचः व मिसा समुदायया दुजःत दुथ्याइगु खँ धाःगु दु। अथे हे कन्हय् यलया थीथी खलः पुचः नापं ब्यक्तितय् दथुइ नं सहलह ब्याकीगु जूगु दु ।
