पार्टी तछ्यायेत ५० लाखया चलखेल

येँ (झीगु स्वनिगः)

उप प्रधान नापं पराराष्ट्र मन्त्री नापं मधेसी जनअधिकार फोरम नेपालया नायः उपेन्द्र यादवं ५० लाख तकया चलखेलं फोरमयात तछ्यायेगु ज्या जूगु खः धकाः दावी यानादीगु दु । वय्कलं म्हिगः पत्रकार सम्मेलनया माध्यमं विदेशीत नाप जानाः जेपि गुप्तां पार्टी तछ्याःगु खः धकाः द्वपं तकं बियादिल । वंगु जेठ १४ गते न्ह्यः जक फोरमयात तछ्यानाः मधेसी जनअधिकार फोरम -गणतान्त्रिक) गठन याःम्ह गुप्तां पत्रकार सम्मेलन यानाः स्वत पत्र जारी यानाः यादव विरुद्ध आक्रोस प्वंकादीगु खः ।