दरबार हत्या काण्ड झिदँय् क्यन

येँ (सन्ध्या टाइम्स)/थौं जेठ १९ गते। नेपाःया राजनीतिक इतिहासय् न्ह्यथनेबहःगु राजदरवार हत्याकाण्ड जूगु दिं। २०५८ साल जेठ १९ गते चान्हय् उगु हत्या काण्ड जूगु खः। उकी लानाः तत्कालिन जुजु वीरेन्द्र, लानि ऐश्वर्य, युवराज दिपेन्द्र नापं झिम्ह दुजःतय् हत्या जूगु खः। काण्डयात रहस्यमय धायेगु याःसां उगु रहस्य प्वलेगु ज्या धाःसा सुनां नं याःगु मदुनि। वंगु गुदँ तक जेठ १९ गते इस्वी सन्या जुन १ तारिख कुन्हु लाःगु खःसां थुगुसी धाःसा जुन २ तारिखय् लाःगु दु ।