ब्लाटर हानं फिफाया अध्यक्षय् निर्वाचित
विश्व फुटबलया सर्वोच्च निकाय फिफाया अध्यक्ष पदय् हानं सेफ ब्लाटर निर्वाचित जुयादीगु दु । अध्यक्ष पदया निंतिं जूगु निर्वाचनय् छम्ह जक उम्मेदवार ब्लाटर प्यक्वःगु खुसिइ उगु पदय् निर्वाचित जुयादीगु खः । सन् १९९८ निसें फिफाया अध्यक्ष पदय् दीम्ह ब्लाटरया न्हूगु कार्यकाल आः सन् २०१५ क्वचाइ ।
इंग्लिस व स्कटल्याण्डया फुटबल संघं फिफा दुने भ्रष्टाचार जूगु धकाः व्यापक रुपं प्रचार जुइवं निर्वाचन लिछ्यात अपिल याःगु खः । तर, निगू संघया इनापया पक्षय् मुक्कं १७ दुजः देय्तय्सं जक भोट बिइवं बुधवाः हे फिफाया मू ज्याकू स्वीट्जरल्याण्डया जुरिचय् निर्वाचन जूगु खः ।
२०३दुजःत दुगु फिफाया निर्वाचनय् ब्लाटरया पक्षय् १८६ दुजःतय्सं भोट बिउगु खः । हानं अध्यक्षय् पदय् निर्वाचित जुइवं ब्लाटरं भोट बिउपिं सकसितं थःत विश्वास व भरोसा याःगुलिं सुभाय् बियादिल । हानं निर्वाचित जूगु धइगु छगू कथंया हाथ्या जूगु धयादिसें ब्लाटरं थ्व न्हूगु हाथ्या जुगु व उकियात थःम्ह स्वीकार यायेगु धयादिल ।
'फिफाया जहाजयात पाय्छि कथं सफा व पारदर्शी लःखय् तय्गु जुइ' ब्लाटरं धयादिल, 'झीत छुं ई माः, तर झीसं यायेगु जुइ ।'
७५दँया स्वीस् नागरिक ब्लाटरया विपक्षय् अध्यक्षय् पदया निंतिं उम्मेदवारी बिउम्ह एसियाली फुटबल महासंघया अध्यक्ष मोहमद बिन हमाम घुस प्रकरणय् निलम्बनय् लयोवं अध्यक्ष पदया निंतिं ब्लाटर याकः उम्मेदवार जुयादीगु खः ।
News Location:
Related Stories
बिन हमामपाखें फिफाया अध्यक्ष पदया निंतिं उम्मेदवारीMore Stories Like this
बार्सिलोनाया खेलाडीतय् तलवय् ७० प्रतिशत कटौती साफ च्याम्पियनसिप फुटबलय् नेपाल त्यात विम्बल्डन च्याम्पियनपाखें सन्यासया घोषणा विश्वकप फुटबलया ट्रफि नेपालय् हइगु किंग्स कप"या उपाधि मनांग मर्स्यांदीयात
