थौं भाषिक असमानता विरुद्धया हाकुगु न्हि
थौं जेठ १८ अर्थात नेपालय् जूगु भाषिक असमानता विरुद्धया हाकुगु न्हि । २०५६साल जेठ १८ गते सर्वोच्च अदालतया डिभिजन बेञ्चं स्थानीय निकायलय् मां भाय् छय्लाबुला मयायेत/मयाकेत जारी याःगु फौसलायात नेपाःया भाषिक आन्दोलनया ख्यलय् हाकुगु न्हि कथं कायेगु यानाच्वंगु दु ।
हाकुगु न्हिया झ्वलय् नेवाः स्वायत्त राज्य मंकाः संघर्ष समितिं छगू विज्ञप्ति पिथना नेपाःया प्रमुख राजनीतिक दलत अझ नं छगू भाय्, छगू संस्कृतिया धरातलं च्वये पिहांवयेमफुगु द्वपं बिउगु दु ।
'संविधान सभाया विशेष समितिं खस भाषायात हे सरकारी ज्या खँया भाय् कथं सिफारिस याःगु घटनां संविधान सभाय् प्रतिनिधित्व यानाच्वंपिं प्रमुख राजनीतिक दलतय् भाषिक अधिकारसम्वन्धी चिन्तन, सोच व ब्यवहार म्हिगया छगू भय्, छगू संस्कृति धरातलपाखें गुलि नं थंहावयेमफुगु यथार्थ पुष्टि याःगु दु ।' संघर्ष समितिया सचिवालय कजि मल्ल के. सुन्दरं पिथनादीगु उगु विज्ञप्तिइ न्ह्यथनातःगु दु ।
अथेहे विज्ञप्तिइ न्याय प्रशासन क्षेत्रय् नं खस भाय्यात हे माध्यम भाय्या कथं स्थापित यायेमाःगु धइगु संविधानसभाया समितितय् सिफारिशं नेपाःया भाषिक वहुलताय् भाषिक समानताया अधिकार सुनिश्चित यायेगु लोकतान्त्रिक मूल्य व मान्यतायात हाथ्या बीत स्वःगु अनुभुत जूगु खँ न्ह्यथनातःगु दु ।
देशय् तःतःधंगु आन्दोलन व संघर्ष लिपा नं नेपाःया गैरखस भाषाभाषी समुदायया निंतिं व विशेषत भाषिक अधिकारया दृष्टिकोणं देय् अझ नं २०५६साल जेठ १८ गतेया अवस्थाय् दुगु अनुभुत जूगु खँ न्ह्यथंसें विज्ञप्तिइ भाषिक समान अधिकार नापं आदिवासी जनजातित् सम्पूर्ण अधिकार सुनिश्चितताय निंतिं जारी संघर्ष अझ प्रभावकारी व परिणामखु चरणय् थ्यंकेमाःगु आवश्यकता दुगु धयातःगु दु ।
अथेहे नेवाः देय् दबुलिं नं छगू विज्ञप्ति पिथना संघीय नेपाःया न्हूगु संविधानय् खस् नेपाली भाषयात जक सरकारी ज्याखँया भाय् मयासें नेपाः देय् दुने ल्हानावयाच्वंगु गुलिनं मांभाय् त दु उगु सकतां भाय्यात केन्द्रीय सरकार निसें प्रादेशिक राज्य दुने सरकारी ज्याखँया भाय् कथं सुनिश्चिचत यायेत माग याःगु दु ।
Related Stories
थौंया इलय् हाकुगु न्हिया सान्दर्भिकता जेठ १८ छाय् थौं नं सान्दर्भिक थौं जेठ १८ हाकुगु न्हि थौं नेवाःतय्सं हाकूगु न्हि महनीगु हाकुगु न्हि - जेठ १८More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
