लिबियाय् न्ह्यानाच्वंगु हिंसा क्वचायेकेत सम्झौता
लिबिया (एएफपी)
दक्षिण अपि|mकी राष्ट्रपति ज्याकोब जुमां लिबियन नेता मुआमर गद्दाफीं लिबियाय् न्ह्यानाच्वंगु हिंसा क्वचायेकेगु नितिं सम्झौता यायेत तयार दुगु जानकारी ब्यूगु दु । अज्ञात थासय् जूगु गद्दाफीलिसेया नापलाये ज्याधुंकाः राष्ट्रपति जुमां देय्या भविष्यबारे लिबियन जनतायात न्वंवाके बीमाःगु जानकारी ब्यूगु खः । देशय् न्ह्यानाच्वंगु आन्दोलन व हिंसा पनेत विद्रोही पक्षलिसे वार्ता यायेत गद्दाफी तयार दुगु धासें जुमां छुं शर्तत नं न्ह्यब्वःगु जानकारी ब्यूगु खः । गद्दाफीं लिबियन जनतातय्त थःगु विवेकया मत छ्ययेके बियाः वर्तमान संकट चीकेफइगु धाःगु खँ जुमां स्पष्ट याःगु खः ।
तर जुमां आन्दोलनकारीया मागकथं गद्दाफीं याकनं राजीनामा बीगु मबीगु बारे धाःसा छु नं धाःगु मदु । वंगु अपि्रलय् हे अपि|mकन युनियनया नेतृत्व यानाः लिबिया थ्यंम्ह जुमां आन्दोलनकारी व सरकारी पक्षदथुइ सम्झौता याकेत प्रस्ताव न्ह्यब्वःगु खः तर उगु इलय् गद्दाफीं उगु प्रस्ताव अस्वीकार याःगु खः ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
