प्यम्ह नेपाःमि मिसापिंसं न्हापांगु खुसिइ अन्नपूर्ण हिमाल आरोहण

सोलुखुम्बु (झीगु स्वनिगः)

प्यम्ह नेपाःमि मिसापिंसं अन्नपूर्ण प्यंगूगु हिमाल ताःलाक्क आरोहण याःगु दु । उपिं मिसापिंसं अन्नपूर्ण प्यंगूगु हिमाल आरोहण याःगु थ्व न्हापांगु खुसिइ खः । खुद्वः व च्यासः मिटर उचाईया प्यंगूगु शिविरपाखें बहनी छताः इलय् वंपिं उमिसं सुथसिया न्याताः ई जुयाः झिंन्यागू मिनेटय् उगु शिखरय् पलाः तःगु खः । सोलुखुम्बुया स्वीदँया निर्मा राई व नीगुदँया शान्तिकला राई, मनाङया नीप्यदँया मुना गुरुङ व पोखराया नीन्हय्दँया सरस्वती विकपिंसं न्हय्द्वः व न्यासः व नीन्यागू मिटर तज्जाःगु अन्नपूर्ण प्यंगूगु हिमाल आरोहण याःगु नेपाली महिला आरोहण २०११ कार्यदल समिति संयोजक लिसे महिला सशक्तिकरणया नकिं लक्की कार्कीं जानकारी बियादिल । कार्कीयाकथं खुद्वः व च्यासः मिटर उचाईया प्यंगूगु शिविरपाखें बहनी छताः इलय् वंपिं उमिसं मंगलवाः सुथसिया न्याताः ई जुयाः झिंन्यागू मिनेटपाखे उगु शिखरय् पलाः तयादीगु खः ।