न्हूगु नेतृत्व चयनलिसे नेवाः अर्गनाइजेशन अफ अमेरिकाया दँ मुँज्या

न्हूगु नेतृत्व चयनलिसे आइतवाः छगू ज्याझ्वःया दथुइ 'नेवाः अरर्गनाजेशन अफ अमेरिका'या झिक्वःगु दँ मुँज्या तःजिक क्वचाःगु दु । अर्गनाइजेशनया नायः राजेश श्रेष्ठया सभापतित्वय् जूगु उगु ज्याझ्वः अमेरिकाया लागि नेपाःया राजदूत महामहिम डा. शंकरप्रसाद शर्माया मू आतिथ्यय् न्ह्याःगु खः ।

थीथी संघसंस्थाया प्रतिनिधितय्सं भिंतुना देछाःगु उगु ज्याझ्वलय् अर्गनाइजेशनय् मूवंगु ग्वहालि याःपिन्त सुभाय् पौ नं देछाःगु खः ।


उगु हे ज्याझ्वलय् 'नेवाः संस्कृतिइ वैश्विक परिप्रेक्ष्य' (Global Perspective on Newah Culture) वियषय् जूगु बिचाः मुँज्याय् डा. दिना बाग्देलं विश्वय् नेवाः कलाया महत्व, बासब राजोपाध्यायं कय्तापुजाया महत्व व डा. बिन्देश श्रेष्ठं नेवाः अफल कुकिंग विषयस न्ववानादीगु खः ।

न्हिच्छियंकया ज्याझ्वःया लिपांगु शत्रय् थीथी नांजाःपिं कलाकारपिं संजीप प्रधान, सरिस्मा अमात्य, नलिना चित्रकार, यमन श्रेष्ठ व सृजन ताम्राकारपिंन्सं म्ये हालादीगु खःसा नेवाः अर्गनाइजेशन अफ अमेरिकाया ल्याङ्ग्वेज सेन्टरया विद्यार्थीपिंपाखें थीथी हुलाप्याखं सहित सांस्कृतिक ब्वज्या नं याःगु खः ।

थुगु दँ मुँज्या न्हूगु नेतृत्व चयन याःगु दु, गुकिइ क्वय् न्ह्यथना कथंया दुजःपिं दुथ्याःगु दु -

नायः - सिजन श्रेष्ठ
न्हापांम्ह न्वकू - विरेन प्रधान
निक्वःम्ह न्वकू - रवि प्रधान
मू छ्याञ्ज्ये -महिन्द्र प्रधान
छ्याञ्ज्ये - बबिता श्रेष्ठ
दांभरिं - रामलाल श्रेष्ठ

मू दुजः
विश्वम्भर प्रधान
राजेश एल श्रेष्ठ
पुष्कर प्रजापति

News Location:

More Stories Like this

काेरियाय् नेवाः भ्वय्, नम्रता श्रेष्ठयात हन
न्यूयाेर्कय् इहि
राजनीतिक दलतय् घोषणापत्र व नेवाः दृष्टिकोण
किपुली मंकाः बाखं गोष्ठि
"वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी