बरु राप्रपां न्यायेकल गणतन्त्र दिवस !
येँ (सन्ध्या टाइम्स)/थुगुसी गणतन्त्र दिवसय् छगू अजूचायापुगु घटना जुल। सखे १४ गते चछि संविधानसभाय् लाःगुलिं जुइमाः, १५ गते न्यायेकेमाःगु गणतन्त्र दिवस छुं हे पार्टीं मन्यायेकू। बरु जीवनभर राजतन्त्रया पक्षय् राजनीति याना वयाच्वंपिं पूर्व पंचतय् पार्टी राप्रपां गणतन्त्र दिवस न्यायेकल। पार्टी अध्यक्ष पशुपति शम्सेरं चाबहिली सःतूगु गणतान्त्रिक चियापानय् एमाले, कांग्रेस व माओवादीया नेतात नं थ्यगु खः ।
