कञ्चनपुरय् स्वसः एचआइभी एड्स सङ्क्रमित

कञ्चनपुर (झीगु स्वनिगः)

कञ्चनपुरया स्वसः स्वयाः आपालं सर्वसाधारण एचआइभी एड्सपाखें सङ्क्रमित जूगु दु । जिल्लाय् न्हापांगु खुसिइ न्यादँ न्ह्यः जक खनेदुगु थ्व ल्वय्पाखें दँय्दसं सङ्क्रमित जूपिनिगु ल्याः अप्वयाः वनाच्वंगु जिल्ला जनस्वास्थ्य ज्याकुथिं जानकारी ब्यूगु खः । जिल्लाय् सन् २००६ सं न्हापांगु खुसिइ एचआइभी सङ्क्रमणया ल्वगित लुयावःगु खः ।
जनस्वास्थ्य ज्याकूयाकथं न्यादँया अवधिइ जिल्लाय् स्वसः व झिंखुम्हसित एचभाइभी सङ्क्रमण जूगु खः । एचआइभी सङ्क्रमण खनेदुगुलिइ मिजंत आपालं दुगु जानकारी नापं ब्यूगु खः ।

सच्छि व ख्वीन्याम्ह एचआइभी सङ्क्रमणत लुयावःगु दुसा सच्छि व स्वीन्याम्ह एड्स ल्वय् खनेदुगु खः । एड्स ल्वय् खनेदुपिं मध्ये नीप्यम्ह मनूत सीधुंकूगु दु । जिल्ला जनस्वास्थ्य ज्याकूया जनस्वास्थ्य निरीक्षक भवानी जोशीं रोजगारीया नितिं भारत वनाः लिहांवःपिंपाखें अप्वः सङ्क्रमण न्यनावःगु धाःगु खः । भारतय् मजदुरी यायेत वनेगु ज्या मदीत्तले एचआएभी सङ्क्रमणयात पनेमफइगु वय्कःया धापू खः ।