ख्वप जिविसं लःया कर म्हय् मफुत

ख्वप (झीगु स्वनिगः)

ख्वप जिल्ला विकास समितिं व्यापारिक प्रयोजनया नितिं छ्यलाः वयाच्वंगु लःया कर म्हय्त ताःमलानाः वंगु दु । निर्बाचित जनप्रतिनिधिया संयन्त्र मदयाः कर म्हय् मफुगु खः ।
जिल्ला परिषद्ं चालु आर्थिक दँनिसें लागू जुइकथं प्रतिलिटर १० पैसा व १० पैसाया औसतय् प्रति ट्याङ्कर खुसः तकाया दरं कर म्हय्गु निर्णय याःगु खः ।

निर्बाचित जनप्रनिधि मदुगुलिं कर पुलेगु नितिं जिद्दी याइपिंत हस्तक्षेप यायेमफुगुलिं चालु आर्थिक दँय् कर म्हय् मफुगु जिल्ला विकास समिति ख्वपया राजस्व प्रमुख कृष्णगोबिन्द लाखां धयादिल । थुगु दँ लः व्यवसायी व गां विकास समितिलिसे सहलह यानाः कर म्हयेगु वय्कलं जानकारी नापं बियादिल ।

More Stories Like this