एमालेप्रति असन्तुष्ट जुयाः न्हूगु पार्टी

येँ (झीगु स्वनिगः)

नेपाल आदिवासी जनजाति महासंघया नायः जुयाः ज्या यानाच्वनादीम्ह राजकुमार लेखीं एमालेप्रति असन्तुष्ट जुयाः न्हूगु हे पार्टी नेपाल नागरिक पार्टी चायेकादीगु दु । एमालेनाप लिक्क लाःम्ह लेखीयात जनजातितय्सं जनजाति महासंघयात भ्रातृ संगठनया रुपय् यंकल धकाः द्वपं बियाच्वंगु हे इलय् एमालेया नेतातप्रति असन्तुष्ट जुयाः वय्कलं अथे न्हूगु पार्टी चायेकादीगु खः धकाः धाःगु दु । लेखीं थः लिक्क लाःपिं एमालेया नेतातय्त धाःसा टेलिफोनया माध्यमं मधेसत विरुद्ध जनजाति व थारुतय्त पार्टीं प्रयोग जक यानाः वयाच्वंगु अले थारु व जनजातिया अधिकारया नितिं माःगु कथं एमालें भूमिका म्हितीगु अवस्था मखनाः हे थःम्हं अथे न्हूगु पार्टी चायेकागु खः धकाः धयादीगु सीदुगु दु ।