खः, जिं ल्हाःपा ब्वयेका जः पनेत

बुद्ध साय्मि

खः, मत स्यायेत जि न्ह्याः वया
थ्व जः स्वयाः ख्यूँ यः जितः ।

जि नं स्यू
जः मिखाया ज्यान खः
खः, जः मदुथाय् मिखा
ख्वालय् कानाच्वंगु गुच्चा ।

तर
जिगु मिखाय् तातुनाच्वंगु
थ्व जःखःया ततःप्वाःगु मत
गुलि पित्याः
जि दुनेया जः नुनेत
गुलि आतुर
जिगु मिखा ह्वखनेत ।

थःगु मिखाया मू फ्वनाः
जि विरोध याना सा दु याना ?
म्वायेत जि थःगु हक फ्यानाः
विद्रोह यानासा छु याना ?

खः,मिखाया तुति ला जः
मिखाय् न्हू वैगु तुति जितः मयः ।

More Stories Like this