नेवाःतय् समर्थन
येँ (सन्ध्या टाइम्स)/संविधानसभाया म्याद स्वला थपे यायेगु ज्यायात नेवाः स्वायत्त राज्य मंकाः संघर्ष समितिं लसकुस याःगु दु। संघर्ष समितिया सचिवालयपाखें संयोजक मल्ल के. सुन्दरं थौं छगू वक्तव्य जारी यासें आः थपे जूगु म्यादयात सितिं मवंक उपयोग यानाः संविधान च्वयेगु ज्या सम्पन्न यायेत नं सकलें दलतय्त इनाप याःगु दु ।
लिसें वक्तव्यय् थौंकन्हय् राजनीतिक पार्टीतय्सं लचकताया नामय् संघीयता, जातीय स्वशासन थेंज्याःगु आदिवासी जनजातिलिसे सरोकार दुगु विषययात त्वःता हयाच्वंगुलिं थुकिया विरोधय् थःपिंसं हानं आन्दोलन याये मालेफु धयातःगु दु ।
