पाकिस्तानी अड्डाय् भारतीय हमला

पाकिस्तान (एपी)

पाकिस्तानया कराँचीस्थित सेनाया एयरबेसय् जूगु आक्रमणय् भारतीय गुप्तचर संस्था 'र' या ल्हाः दुगु पाकिस्तानी सञ्चार माध्यमतय्सं दाबी याःगु दु । उगु हमला याःपिं तालेवान वा अलकायदा मजुसे सैनिक तालिम प्राप्त समूह जूगु धइगु सुरक्षा विष्लेषण पिने वयाच्वंगु इलय् पाकिस्तानया छुं छुं सञ्चार माध्यमतय्सं थज्याःगु दाबी याःगु दु । पाकिस्तानी पत्रिका 'द टि्रव्युन एक्सप्रेस'पाखें हमलाय् 'र' या ल्हाः दुगु खनेदुगु धकाः बुखँ पिहांवःगु दु । अथेहे 'द नेसन' नांया मेगु छगू पत्रिकां नं भारतीय गुप्तचर एजेन्सी 'र' पाखें अमेरीकाया सीआईए व ईजरायली गुप्तचर संस्थालिसे मिलय् जुयाः पाकिस्तानयात अस्थिर दयेकेत स्वःगु दाबी याःगु दु ।

'टि्रव्युन'पाखें भारतं अमेरिकी व अफगानी जासुसी संस्थालिसे मिलय् जुयाः पाकिस्तानय् गतिविधि अप्वयेकेगु कुतः याःगु व छुं दिं दुने हे मेगु सैनिक अड्डाय् हमला जुइफुगु दाबी नापं याःगु दु । आईएसआई व मेमेगु सुरक्षाविद्पिंसं पाकिस्तानया सैनिक हवाई अखडाय् जूगु हमला छु नं आतंकवादीं याःगु मजुसे विदेशी शक्तितय्सं याःगु धकाः थ्व स्वयाः न्ह्यः हे धायेधुंकूगु दु ।

More Stories Like this