फोरम तज्यात भारतं तछ्यात

म्हिग तक्क कम्युनिष्टतय्गु पार्टी कुचादलाः डर्जनौ कम्युनिष्ट पार्टीत अस्तित्वय् दुगु इलय् आः धाःसा मधेसीतय्गु पार्टीत तज्याइगु श्रृंखला व्यूगु मदुनि । उपेन्द्र यादवया फोरमयाहे सह-अध्यक्ष जुयाच्वंम्ह जयप्रकाश गुप्तां वच्छि स्वयाः छम्ह अप्वः सभासद्पिं ज्वनाः मधेसी जनअधिकार फोरम हानं कुचा जूगु दु । संविधानसभाया म्याद थपय् यायेत वहूमत दुगु सरकारयात आः हानं छगू डर्जन धयाथें म्हो मत जूगु कारणं सरकार पक्ष थप कुतः यायेमाःगु अवस्था वःगु दु । थुकिं यानाः प्रतिपक्षय् च्वनाच्वंगु नेपाली कांग्रेस वा मधेसीतय्गु मत वा समर्थनया जरुरत जूगु दु । सोमवाः छगू पत्रकार सम्मेलन यानाः गुप्तां मधेसी जनअधिकार फोरम -गणतान्त्रिक) नामं झिस्वम्ह सभासद्त दुगु न्हूगु पार्टीयात सार्वजनिक याःगु vm । आः उपेन्द्र यादवया फोरमय् धाःसा झिंनिम्ह जक सभासद्पिं ल्यं दनि । थुकिं यानाः फोरम थौं तक्कया दुने प्यक्वः तज्यानाः प्यकू कुचा जुइधुंकूगु दु । २०६७ साल असारं २८ सभासद्पिं ज्वनाः विजयकुमार गच्छेदारं फोरम लोकतान्त्रिक गठन यानाः दकले निक्वगु पालय् पार्टी तछ्याःगु खः । थुगु पुचः नाकुनेया कतांमरि सरकारय् सहभागी जुयाः भारतयात लय्तायेकूगु खः । थुया न्ह्यः २०६३ साल माघ महिनां फोरम तत्कालिन उपाध्यक्ष किशोरकुमार विश्वासं छगू समूह ज्वनाः फोरमं पिहां वनेवं पार्टी विभाजनया शुरुवात यानादीगु खः ।

सरकारय् सहभागी उपेन्द्र यादवया फोरम तव्यायेव. सरकारया वहुमत मदयेवं बहुमतं सां म्याद थपय् यायेगु सरकारी सोच स्वभावत कमजोर जूगु दु । थुकिं सरकारया विरोधय् १० गू ाग न्ह्यःनेतयाः प्रतिपक्ष च्वनाच्वंगु नेपाली कांग्रेसया पक्षतय्त तिवः जूवंगु दु । फोरम तज्ायइगु धयागुहे कि सरकार पक्षयात ग्वाहालि यायेत वा प्रतिपक्षयात तिवः वीत जुइगु खः । फोरमया थुगु विभाजन लिपा मधेसी राजनीतिक दलत अप्वः भारतया प्रभाकार दुगु व इमिसं थःपिन्त खसि दुगुचा सरह मियाः पार्टी तछ्यायेगु न्हूगु विकृतियात कय्च्यानाच्वंगु खँयात थुइके फु । तराइ क्षेत्रं माओवादीयात कमजोर यायेगु अभियानकथं भारतं अर्बों ध्यबा लगानी यानाः अनया राजनीतिक दल व नेवाःतय्त न्याना तःगु कारणं भारतया संविधानसभा भंग यायेगु चाहनाहे अनया दलया छगू जक उदेश्य जुयाच्वंगु स्पष्ट दु । तराइया थुपिं दल व नेतातय्त वांछ्वये मफुतले तराइया जनतां सुख सी मखु व थुज्वःपिं दलाल नेतात्त म्हसीकाः आम जनतां "दण्डित" यायेफयेमाः । मखुसा भारतया थुगु हस्तक्षेपया जवाफ नेपाली जनता छन्हु अवश्य वीगु त्वःती मखु ।

More Stories Like this