माओवादी व कांग्रेसया कार्यदल
येँ (झीगु स्वनिगः)
राजनीतिक गतिरोध अन्त्यया नितिं एकीकृत नेकपा -माओवादी) व नेपाली कांग्रेसया शीर्ष नेतातय्गु दथुइ म्हिगः मंगलवाः जूगु मुँज्यां निम्ह/निम्हसिया छगू कार्यदल दयेकूगु दु ।
कार्यदलय् माओवादीपाखें डा. बाबुराम भट्टराई व बर्षमान पुन अथे हे नेपाली कांग्रेसपाखें रामशरण महत व मिनेन्द्र रिजाल च्वनादीगु दु । राजनीतिक गतिरोध अन्त्यया नितिं च्वंगु शीर्ष नेतातय्गु मुँज्याय् निगुलिं दलं थःथःगु अडान यथावत हे तःगुलिं सहमति जुइ मफुगु खःसा आः सहमतिया नितिं कुतः यायेत धकाः अथे कार्यदल दयेकेगु ज्या जूगु खः । उगु मुँज्याय् एकीकृत माओवादी पार्टीया नायः पुष्पकमल दाहाल प्रचण्डं यानादीगु खःसा कांग्रेसया नेतृत्व पार्टीया सभापति सुशील कोइरालां यानादीगु खः ।
