लेखां न्हापाया बेरुजु मंसिरतक्कयादुने फछ्र्यौट यायेत उजं

येँ (झीगु स्वनिगः)

संसदया सार्वजनिक लेखा समितिं सरकारयात न्हापाया दँया बेरुजु नीन्यागू अर्ब नीछगू करोड तका वइगु मंसिरतक्कयादुने फछ्र्योट यानाः जानकारी बिइत उजं ब्यूगु दु । सोमवाः च्वंगु समितिया बैठकं महालेखा परिक्षकया ज्याकूया प्रतिवेदनय् न्हापांगु दँय् नीन्याद्वः व नीछगू अर्ब तका बेरुजु क्यनेवं उगु बेरुजु मंसिरतक्कयादुने फछर््यौट यायेत उजं ब्यूगु खः । समितिं व स्वयाः न्ह्यःया न्हय्निगू अर्ब व नीछगू करोड तका नं वइगु चैत लातक्क फछ्र्योट यानाः जानकारी बिइत नं उजं ब्यूगु खः । महालेखा परिक्षकया ज्याकूया अधिकारी लिसे थीथी मन्त्रालयया छ्याञ्जेपिनिगु ब्वति दुगु समितिया बैठकं थज्याःगु उजं ब्यूगु खः । अथेहे दण्ड व सिरपाःया अभावय् बेरुजु अप्वयाः वंगु जानकारी ब्यूसें बांमलाःगु ज्या याइपिंत दण्ड व बांलाःगु ज्या याइम्हेसित सिरपाःया ब्यवस्था यायेत नं उजं ब्यूगु दु । समितिं महालेखा परिक्षकया नियुक्ति याकनं यायेमाःगु लगायतया झिंच्यागू विषयलय् उजं ब्यूगु दु ।