सिक्वेल फिल्मया लहर

विजयरत्न असंबरे

बलिउडया नकल यायेगु खँय् कलिउड न्ह्याबलें हे न्ह्यःने लाः । बाखं नकल यायेगु चलन ला पुलांगु हे खः । आः वयाः बलिउडय् पुलां जुइत्यंगु सिक्वेल फिल्मया 'टे्रण्ड' या नकल यानाहःगु दु । 'धुमु' धुंकाः 'धुम-२' अले 'कोइ मिल गया' धुंकाः उकिया सिक्वेल कथं कृश पिदने धुंकल । मेमेगु सिक्वेल नं पिदने धुंकल । बलिउडया थ्व हे चलनया नकल यानाः कलिउडय् नं सिक्वेल फिल्म दयेकेगु चलन शुरु जुयाच्वंगु दु । 'पापी मान्छे-२' अज्याःगु हे छगू फिल्म खः ।
निखिल उपे्रती नापं छम्ह खिचा व छम्ह माकःया मू भूमिका दुगु ुपापी मान्छेु तसकं लोकंह्वाःगु फिल्म खः । थुकिया न्हापांगु ब्वय् सुनिल थापां भिलेन जुयाः म्हितूगु खःसा करिश्मा मानन्धर व सिाचता लुईंटेल निम्ह हिरोनीत खः । आः निब्वया रुपय् पिदंगु ुपापी मान्छे-२ु फिल्मय् नं सुनिल थापां हे भिलेन जुयाः म्हिताच्वंगु दु अले निखिल उपे्रती छम्ह खिचा व छम्ह माकः हिरोया रुपय् हे दनाच्वंगु दु । हिरोनी धाःसा थपाले पुजना स्त्री न्हापा प्रधान यात कयातःगु दु । थ्व निगुलि फिल्मया निर्देशक दीपक श्रेष्ठ खः । थुकथं दीपक श्रेष्ठ सिक्वेल फिल्मया ख्यलय् न्ह्यलुवा जूगु दु । निर्देशक दीपक श्रेष्ठं थ्व स्वयां न्हापा ुहिम्मतुया सिक्वेल कथं ुहिम्मत-२ु नं दयेके धुंकल । तर छुं छुं प्राविधिक ज्या ल्यंदनिगुिलं ुपापी मान्छे-२ु िनं न्हापा पिदंगु खः । ुहिम्मतु फिल्मय् रेखा थापाया डबल रोल दु । आः न्हूगु ुहिम्मत-२ु फिल्मय् युना उपे्रतीया डबल रोल दु । थुकी हिरोनीया जक मखु हिरो विराज भट्ट व खिचा छम्हेसिया तकं डबल रोल तयातःगु दु । न्हापांगु ुहिम्मतुया निर्माता रेखा थापा खः । अथे जूगुिलं ुहिम्मतुया सिक्वेल थम्हं हे दयेके दयेमाः धकाः रेखां थापां सः थ्वयेकूगुिलं यानाः दीपक श्रेष्ठं थःगु फिल्मया नांयात ुहिम्मत-२ एक्शन ब्याक्स अगेनु धकाः छुइमाःगु खः ।

नेपाःया फिल्म ख्यलय् खस भाय्या चर्चा अप्वः जुइगुिलं पापी मान्छे-२ वा हिम्मत-२ न्हापांगु सिक्वेल फिल्म थें खनेदइ । तर वसिबें न्हापा निर्देशक आर्यम नकःमिजुं याह नां छुनाः नेवाः भासं सिक्वेल दयेके धुंकूगु दु । याह या सिक्वेलया रुपय् पिदंगु तारेमामु छगू चर्चित नेवाः फिल्म खः । अथे हे तुं मगर भासं दयेकूगु येजया सिक्वेल कथं येज २ु नं पिदने धुंकूगु दु । आः थौंकन्हय् सिक्वेलया चलन थुलि अप्वःयावःगु दु कि लोकंह्वानाच्वंगु टेलिसिरीयल ुदलनु या नांया लबः कायेत 'दलन-२' नांयागु छगू भिडियो फिल्म तकं दयेकेज्या जुयाच्वंगु दु । निर्देशक नवीन सुब्बाया टेलिसिरीयल दलनु लिसे दलन-२ या छुं स्वापू धाःसा मदु ।

सिक्वेल दयेकेगु झ्वलय् न्हापा हिट जूगु डिजिटल फिल्म क्यारेङ्ग ग्याङ्गया निब्वया रुपय् क्यारेङ्ग ग्याङ्ग-२ नं पिद नेत्यंगु दु । थ्व निगूगु ब्व धाःसा सेलुलोयड फिल्म खः । सिक्वेलय् अज्जु लामा नांयाम्ह मचाम्ह पात्र छम्ह बाहेक मेिपं दक्वं कलाकार बिस्कं हे दु । थुकी निखिल उपे्रती अरुणिमा लम्सालया मू भूमिका दु अले झरना थापाया छपु आइटम म्ये नं दइ । सिक्वेलया थ्व लहरय् निर्माता युवराज लामां नं थःगु छगू पुलांगु सुपर हिट फिल्म देउताया सिक्वेल दयेकेगु मती तयाच्वंगु दुसा निर्देशक प्रमोद भण्डारीया थुगुसी स्वनिगलं पिने हिट जूगु सन्देशया सिक्वेल दयेकेगु ग्वसाः दु । मोटरसाइकल दुर्घटनाय् लानाः ताः ई न्ह्यवं निसें उसाँय् बांमलानाच्वंम्ह अभिनेता -निर्माता पवन मैनाली नं थम्हं दयेकागु िपंजडाया सिक्वेल ज्वनावयेगु बिचाः यानाच्वंगु दु । थौंया एक्शन स्टार निखिल उपे्रतीया दकलय् न्हापांगु फिल्म िपंजडा हे खः । निर्माता किरण के।सीं। हरिवंश आचार्ययात मू भूमिका बियाः दयेकूगु तँ त सार् है बिगि्रस नि बद्री या तकं सिक्वेल पिदनेत्यंगु हुइनाभुइना दु । थुकथं न्ह्यानाच्वंगु सिक्वेलया लहरं गज्याःगु रुप काइ धयागु खँ ला लिपा हे जक सीदइ ।

More Stories Like this