'सहमतिया नितिं प्रमया राजीनामा याकेत तयार’

येँ (झीगु स्वनिगः)

सत्तारुढ एमालें राष्ट्रिय सहमतिया नितिं प्रधानमन्त्रीया राजीनामा बिइत तयार दु धकाः क्वःछ्यूगु दु । एमालेया केन्द्रीय ज्याकू बल्खुइ म्हिगः सोमवाः च्वंगु पोलितब्यूरोया मुँज्यां अथे खँ क्वःछ्यूगु खः । विधान व राष्ट्रिय सहमति सम्वन्धी प्रस्तावय् शान्ति व संविधानया नितिं राष्ट्रिय सहमति आवश्यक जूगु धकाः उकिया नितिं माःगु कथंया लँपु चायेकेत तयार जुल धकाः न्ह्यथंगु दु ।प्रधानमन्त्री खनालं राजीनामा बिल धाःसा राष्ट्रिय सहमति जुइगु अवस्था वल धाःसा प्रमं राजनीनामा नं बियादी धकाः एमालेया छम्ह नेतां धयादीगु दु । अथे हे वय्कलं दुई तिहाई बहुमतया आधारय् जक संविधानसभाया म्याद थप मयायेगु धकाः न्ह्यथसें राष्ट्रिय सहमतिया आधारय् हे संविधानसभाया म्याद थप यायेगु धकाः तकं निर्णय याःगु दु ।