देय्या नामय् सन्देश

- चिनाखँ -

श्रीराम श्रेष्ठ

थौं जिं नं बीत्यना
देय्या नामय् छगू सन्देश
जिं मसिउ गुलि तक नालाकाइगु खः सकसिनं
संचारया गुगुं नं माध्यमं
लानाः धाइगु खः मखु व नं मसिउ जिं

खतुं जि राष्ट्रपति मखु
प्रधानमन्त्री मखु सेनापति मखु
थन तक कि नेपाः सरकारया मातहतया
गुगुं नं अड्डाया छम्ह साधारण
कर्मचारी नं मखु जि ।

छम्ह स्वतन्त्र नागरिकया ल्याखं
नवाये दु कि मदु पिकाये दु कि मदु
िजं जिगु सन्देश देय्या नामय् थौं ।
िजं ब्वनागु मदु - जिगु देय्या संविधान-
विगतया संविधान-अन्तरिम संविधान †

सखे जिगु सन्देशं
संविधान हाचां गाल धाइगु खः ला
संविधानयात न्हुल धकाः हालीगु खः ला
थुकियात हे कयाः मानहानीया सर्वसत्तावादया
नागरिक सर्वोच्चताया
देशद्रोहया थीथी मुद्दा
तयाबीगु जकं खः ला
- सुं वयाः जिगु विरुद्धय् थन ।

थ्व धाःसा पक्का धायेफु
देय्या नामय् बीगु थ्व जिगु सन्देशं
थन हडताल । जुलुस ग्वाकी मखु
चक्काजाम । टायर च्याकी मखु
संसद अवरुद्ध । देय् बन्द याइमखु
अथे हे सुं देशी÷विदेशी हनेबहिपंत
लय् तायेकेत तंचायेकेत
बियागु थ्व जिगु सन्देश मखु ।

खँ ल्हायेगु खःसा - जिं
छेँखापतिकं भुतू क्वकीगु भतिचा
मिया बारे ल्हाये
हिितं हाइगु लःया बारे भतिचा
प्याःचाः लबुया बारे ल्हाये
याउँक सासः ल्हायेत भतिचा
स्वतन्त्र धाकुफय्या बारे ल्हाये
थःगु छें पिहां वयाः
मनतयेक छेँय् लिहां वने फइगु भतिचा
लकसया बारे ल्हाये
तराई फाँट गुँया जाः हिमालया च्वापु बारे
भतिचा खँ ल्हाये
थौं थुलिं अप्वः ल्हाये मसः जि
धाथें देय्या नामय् सन्देश बीत
थुलिं मगाः ला

More Stories Like this