मांभासं शिक्षा बारे सहलह
येँ (सन्ध्या टाइम्स)/स्कूलय् अनिवार्य मांभाय् ब्वंकेगु विषययात कयाः वंगु बुधवाः शिक्षामन्त्री गंगालाल तुलाधरलिसे छगू सहलह जुल। नेवाः वस्ती नेवाः स्कूल अभियानया कजि दिपक तुलाधरया पहलय् उगु सहलह ज्याझ्वः जूगु खः ।
ऐच्छिक विषयया रुपय् मातृभाषा ब्वने दइगु जुयाच्वंसां नं विकल्पय् गणित, कम्प्युटर थेंज्याःगु विषय तयातःगुलिं थःगु मांभाय् ब्वने चोह जुयाः नं विद्यार्थीतय्सं मांभाय् ब्वने मखनाच्वंगु अवस्था दु। हालयागु थज्याःगु व्यवस्थायात चीकाः भाषाया विकल्पय् भाषा हे ल्यये दइगु माग उगु इलय् न्ह्यब्वःगु खः ।
बहुभाषिक शिक्षा समाजया नायः अमृत तामांग, किरात याक्थुंगया नायः अर्जुन लिम्बु, अवधी समाजया नायः विक्रम त्रिपाठी, थारू भाय्या च्वमि कृष्ण सर्वहारी, वाम्बुले समाजया गणेश राई, कोफ्साया एमडी कुलुङ्ग, डा. चुन्दा वज्राचार्य, विष्णु चित्रकार, देवदास मानन्धर लगायतया प्रतिनिधि पुचलं मागयात शिक्षामन्त्री तुलाधर संकारात्मक रुपं काःगु खः ।
