राज्य पुनर्संरचना स्वीकार यायेवं कांग्रेस सरकारय्
येँ (झीगु स्वनिगः)
पर्यटन नापं नागरिक उड्डयन मन्त्री खड्गबहादुर विश्वकर्मां राज्य पुनर्संरचना व शासकीय स्वरुप स्वीकार यात धाःसा जक नेपाली कांग्रेसयात वर्तमान सरकारय् दुथ्याकेगु जुइ धकाः धयादीगु दु । वर्तमान सरकार वैदेशिक शक्तिपाखें निर्माण जूगु मखुसे जनतां हे दयेकूगुलिं फुक्कसिनं सरकराया मानेयायेमाःगु अवस्था दु धकाः नं धयादिल । जनतापाखें निर्वाचित जुयावःम्ह कार्यकारी प्रमुखयात कांग्रेसं नं स्वीकार हे यायेमाः धकाः मन्त्री विश्वकर्मां जोड बियादीगु दु । पर्यटन, विकास व सांस्कृतिक रुपान्तरण युवा सञ्जालपाखें म्हिगः शनिवाः ग्वसाःग्वःगु 'बर्दियाया पर्यटकीय विकास' विषयसं अन्तक्रिर्या ज्याझ्वलय् वय्कलं अथे धयादीगु खः ।
