राष्ट्रपति पद हॆ छाय् माल ?

सम्पादकजु

थौंकन्हय् नागरिक सर्वोच्चताया खँ सर्वोब्यापी जूगु दु । नागरिक सर्वोच्चताया नामय् देशय् सर्व साधारण नागरिकत हडताल व जुलुसय् लानाच्वंगु दु । नागरिक सर्वोच्चताया नामय् थःगु स्वार्थ पूवंकेत प्रधानमन्त्री दाहालं सिर्जना याःगु हतियार रुपी प्रधानसेनापति प्रकरणं उगु हे हतियारं थःगु कुसर्ी त्वःधुलेधुंकाः राष्ट्रपति डा। रामवरण यादव असंवैधानिक जुल धकाः सदन व सतकय् आन्दोलित जूवंगु दु माओवादी । राष्ट्रपति यादवया पलाः असंवैधानिक खः वा संवैधानिक व बारे िजं मसिउ छाय् धाःसा जि कानूनया बिद्यार्थी मखु । थुकिया निर्णय सम्भवतः सर्वोच्च अदालतं याइ । नागरिक सर्वोच्चताया ब्याख्या याइम्ह प्रधानमन्त्री दाहाल नं वहे सभासदया दथुं हे ल्ययाः प्रधानमन्त्री पदय् नियुक्ति जूगु खःसा थ्वहे सभासदतय्सं ल्ययाः देशया हे सर्वोच्च पद राष्ट्रपतिमा डा। यादवपाखें पद ग्रहण याःगु खः । थःगु पार्टीयात जक फाइदा जुइगु यानाः संसारय् गनं मजूगु कासा कासाया नियम नापं उल्लंघन यानाः नागरिक सर्वोच्चता खः वा राष्ट्रपितं चले याःगु पलाः नागरिक सर्वोच्चता विरुद्ध खः व फैसला जुइ ल्यं दनि । प्रधानमन्त्रीं याइगु फुक्कं ज्यात नागरिक सर्वोच्चता दुने लाइगु व फुक्कं लागू यायेमाःगु खःसा देशय् राष्ट्रपति उपराष्ट्रपतिया पद हे छाय् माल आः च्वइगु संविधानय् राष्ट्रपति उपराष्ट्रपति पदया ब्यवस्था हे मयाःसा गथे जुइ देशयात ला फाईदा हे जुइ छाय्धाःसा उगु पदया लािगं करोडौंया बजेट नं Ïयाये म्वाःलीगु प्रधानमन्त्रीं स्वतन्त्रपूर्वक ज्या याये खनीगु नागरिक सर्वोच्चताया नामय् आन्दोलन नं याये म्वाःलीगु आन्दोलनया नामय् जनतां दुःख नं सी म्वाःलीगु नागरिक समाजं आम जिल्ला व सर्वोच्चया लिउ लिउ मजुसे नागरिकतय्गु आम समस्या महंगी अभाव सुरक्षा थेंज्याःगु खँय् ध्यान तये खनी ।

- रमा कालिमाटी

More Stories Like this