झापाया तोपगाछीइ नेपालभाषा प्रशिक्षणया निरीक्षण

नेवाः देय् दबू तोपगाछीया ग्वसालय् झापाया तोपगाछीइ न्ह्यानांच्वंगु नेपालभाषा प्रशिक्षण ज्याझ्वःया निरीक्षण यायेगु ज्या जूगु दु । वंगु जेष्ठ ३ गते नेवाः देय् दबूया नायः नरेश ताम्रकारं निरीक्षण यायेगु ज्याझ्वलय् नेपालभाषा प्रशिक्षणय् व्वति कयादीपिं निम्ह गैर नेवाःतय्त आपालं सुभाय् देछानादील ।

नापं उगु हे झ्वलय् नेवाः देय् दबू तोपगाछीया नायः नेत्र बहादुर श्रेष्ठया सभापतित्वय् राष्ट्रिय जनगणना २०६८ यात कया छगू जनचेतना ज्याझ्वःनं जूगु खः । ज्याझ्वलय् न्वंवायेगु झ्वलय् नरेश ताम्रकारं सकल नेवाःतय्सं थःथःगु मांभाय व जात वा जातिइ नेवाः धकाः च्वकेगु, थःगु दोस्रो भाषास थः नापं स्वापू दूगु मेगु आदिवासी जनजातिया भाषा च्वकेगु व मेपिं आदिवासी जनजातिपिंत नं दोस्रो
भाषाय् नेवाः भाषा च्वकेगु अभियान न्हृयाकेमाःगु खँय् बःबियादील । उगु ज्याझवलय् नेवाः देय् दबू झापा जिल्ला समितिया छ्याञ्जे दिनेश श्रेष्ठया नं व्वति दूगु खः ।

More Stories Like this