त्रिविविं आः कापी लित बिइमाःगु

त्रिभुवन विश्वविद्यालयया विद्यार्थीं आः थःम्हं परिक्षाय् च्वःगु कापी स्वयेदइगु जूगु दु ।

थौं सर्बोच्च अदालतं विद्यार्थीया पक्षय् फैसला यायेवं परिक्षा नियन्त्रण ज्याकुथिं आः बिद्यार्थीया उत्तर पुस्तिका लित बिइमाः ।

सूचना दइगु अधिकार हनन् जूगु जानकारी ब्यूसें विद्यार्थीं राष्ट्रिय सूचना आयोगय् निवेदन ब्यूगु खः । आयोगं विद्यार्थीं उत्तर पुस्तिका स्वये दयेमाःगु जानकारी बिइवं त्रिविं आयोगया उगु पलाः विरुद्ध सर्बोच्चय् रिट तःगु खः ।

बलराम केसी व अबधेसकुमार यादबया मंकाः इजलासं थौं त्रिभुवन विश्व विद्यालयं कापी बिइमफइगु धकाः सूचना आयोगया पलाः विरुद्ध सर्बोच्चय् तःगु रिट खारेज जुइवं विद्यार्थीपिनिगु लँपु चाःगु खः ।

More Stories Like this