नेपाःया छगू जक च्वलेया चीज फ्याक्ट्री चित्लाङय्

रुपा महर्जन / राजेन्द्र रञ्जित (चित्लाङ )

आपालं मनूत च्वले दुरुया चीज फ्याक्ट्री दु धायेवं तसकं अजू चाइ । विशेष यानाः विदेशय् सिमित थ्व चीजया फ्याक्ट्री धाःसा नेपालय् दु । येँया मू थानकोटं चन्द्रागिरि जुया करिब १५ किमि वनेवं चित्लाङय् थ्यनिइ । चित्लाङय् हे च्वंगु थुगु चीज फ्याक्ट्री खला सामुदायिक वा सामुहिक कथं न्ह्याकेगु पल्सा छम्ह मनूया लगानी व महेनतं न्ह्याका च्वंगु दु । चित्लाङय् च्वंगु छगू ठकूरी परिवारया प्रत्यक्ष लगानिइ नेपाःया हे छगू जक च्वले चीज फ्याक्टी न्हापां प|mान्सया ग्वाहालिइ न्ह्याकूगु खः । आपालंं युवात विदेेशय् वनाः पलायन जुयाच्वंगु इलय् छम्ह युवा अशोक सिह ठकूरीं थज्याःगु च्वले चीज फ्याक्ट्रीया संचालन यानाः उदाहरण ब्यूगु खः । न्हापां पलिस्था याःगु इलय् चन्द्रागिरि चीज उत्पादन समूह धकाः नामांकरण याःगु जूसां तविं लिपा याःगु खः । विशेषतः प्रोटिनया आपालं मात्रा दइगु च्वलेया दुरुं उत्पादन जुइगु चीज दयेकेगु नितिं उतिकं हे कडा मेहेनत, उचित ब्यवस्थापन व दृढ संकल्प मदयेकं छुनं कथं न्ह्योने वनेमफइगु धयादिसें अशोक ठकूरीं नेपाःया मनूतय्गु सोचय् हिउपाः हयेमफुतले सामुहिकताय् थज्याःगु चिज फ्याक्ट्री न्ह्याके मफइगु धयादिल । ध्यवा जक दयाः चीज उत्पादन याये मफैमखु, छ फुति जक च्वलेया दुरुइ लः लायेवं फुक्क चीज नष्ट जुइगु धयादिसें वय्कलं किसानतय्गु दथुइ अज्याःगु विश्वसनियता मदुगु कारण सामुहिकताय् यंकाः विकास याये मफूगु धयादिल ।

थःगु फ्याक्ट्री लिक्क च्वंगु सरकारी भेडा फार्मयात चुनौति ब्यूसें ८७ म्ह च्वले लहिनां लच्छिइ २०० किलो तकया चीज उत्पादन यानाः च्वंगु दु । उगु चीज येाया ५ तारे होटल तयेेकी आपूर्ति यानाः वनां च्वंगु दु । वय्कलं चीजं जक करिब लच्छिइ ९० द्वलं अप्वः आम्दानी जुयाच्वंगु धयादी । न्हापाः स्याम्पलया कथं छक जर्मनय् छ्वये धुंकूसां तविं न्हिं १०० निसें १५० किलो तकया माग वयेवं विदेश निर्यात याये मफूगु दुःख प्वंकादिल । न्हापां न्हापां बजाः कायेगु तसकं थाकूगु धयादिसें वय्कलं आपालं मनूतय्सं नेपालय् च्वले दुरुया चीज दइ धकाः सुनां नं विश्वास हे मयाःगु धयादिल । नेपाःमि जनताया संविधान दइगु आशाय् तुषारापात । चीजया बजाः कायेगु नितिं स्वदँ तक तसकं दुःख जूगु व विदेशीतय्गु हे ग्वाहालिइ यक्व ई लिपा जक येँ बजाः कायेफूगु धयादिल ।

नरम व कडा चीज धकाः निगू स्वादया चिज उगु थासय् उत्पादन जुइगु याः । थौंकन्हे नरम खालया चीजया मू प्रतिकेजी २००० व कडा चीजया मू २७०० तकाः कायेगु याना च्वंगु दु । आवश्यकता कथं प्यंगू कोथाय् ब्यागलं ब्यागलं मेसिन, तापक्रम, कच्चा पदार्थ, तया तःगु दु । नापं चिस्यानया नितिं आवश्यक मेसिनया समस्या जूगु कारण पि|mजया प्रयोग याना तःगु दु । थौंतक करिब ६८ गू जिल्लाया किसानतय्त तालिम नापं विइधुंकूम्ह थकुरीया थाय् स्वयेगु नितिं नं आपालं आपालं मनूत उगु थासय् थ्यनीगु याः । उगु फ्याक्ट्रीइ दुहां वनेगु नितिं विशेष कथं सर्तकता अपनेयाये माः । छुनं कथंया फोहर उगु थासय् मजुइमाः धइगु कथं तुतिइ प्लास्टिक निसें छेनय् विशेष कथंया प्लास्टिकया तपुलि पुना तिनि दुहां वनेमाः । थुकिं उगु थासय् गुलि तक सुरक्षा व सर्तकताया ब्यवस्था यानाः तःगु धकाः स्वये फइ । निःशुल्क कथं फ्याक्ट्री स्वकेगु जक मखु ठकुरीं उगु थासय् वइपिं मनूतय्त नापं चीज दयेकेगु तरिका विस्तारं कना छ्वइगु कारण आपालं मनूत न्हिंया न्हिंथं धइथें उगु थासय् थ्यना च्वंगु खः । बलामी व गोपाली जातिया बाहुल्यता दुगु थासय् मेगु छगू जातिया मनूनं न्ह्याका च्वंगु फ्याक्ट्रीइ थ्यनेवं चीजया स्वाद मकासें व वय्कःया पुस्तिकाय् छुखं मच्वसें लिहां वयेफइमखु । नेपाःया न्हापांगु व छगू जक च्वलेया चीज फ्याक्ट्री जुयानं थुकिंया प्रचार प्रसार धाःसा गुलि जुइमाःगु खः उलि जुयाच्वंगु अवस्था मदु । छम्ह मनूया पहलय् जुयाच्वंगु थ्व फ्याक्ट्रीइ छुन कथंया सरकारी ग्वाहालि विना अज्याःगु गामय् संचालन यायेगु धइगु तधंगु खँ जूसां तविं सरकारी निकाय पाखें थुकिंया उचित ब्यवस्थापन यानाः संरक्षण व विकास यायेमाःगु खनेदु ।

More Stories Like this